Sussidju ghal Kumpaniji Ghawdxin

Is-Segretarju Parlamentari ghal Ghawdex Dr Anton Refalo qassam cekkijiet ta' sussidju lil kumpaniji li joperaw minn Ghawdex. Is-sussidju jkopri spejjez ta' trasport ta' merkanzija bejn Malta u Ghawdex, kif ukoll spejjez ohra ta' akkomodazzjoni ghal impjegati ta' l-istess kumpaniji.

Meta' laqa' lid-diretturi tal-kumpaniji fis-Segretarjat ghal Ghawdex, Dr Anton Refalo rrefera ghal tahditiet li ghaddejjin bhalissa biex jigu identifikati zoni f'Ghawdex li huma adattati ghal fabbriki u workshops. Dr Refalo qal li l-Gvern jaghraf l-importanza tas-settur privat fil-gzira u ghalhekk jezisti impenn shih favur policies li jincentivaw l-izvilupp ta' dan is-settur.

Il-Kumpaniji li rcevew sussidju huma Gozotex, Magro Brothers, MP Clothing, Gozo Aluminium, Malta Dairy Products u Parmagan Ltd. Is-sitt Kumpaniji rcevew bejniethom madwar Lm45,000.