Ambulanza gdida ghall-Isptar Generali t'Ghawdex

Is-servizz ta' emergenza ta' l-Isptar Generali ta' Ghawdex gie msahhah bix-xiri ta' ambulanza gdida mis-Segretarjat Parlamentari ghal Ghawdex. L-ambulanza, li swiet ma' l-Lm20,000, giet ipprezentata lill-amministrazzjoni ta' l-Isptar mis-Segretarju Parlamentari ghal Ghawdex Dr Anton Refalo.

Bhalissa l-Isptar huwa moqdi minn erba' ambulanzi li ilhom medja ta' hdax-il sena kull wiehed jaghtu servizz lill-Isptar. Tnejn minnhom jaghtu servizz lill-outpatients filwaqt li t-tnejn l-ohra jahdmu fuq servizz ta' emergenza.

Ix-xiri ta' l-ambulanza huwa parti mill-programm ta' rijabilitazzjoni tas-servizzi ta' l-Isptar Generali. Tibdil estensiv fis-servizzi u fl-infrastruttura ta' l-Isptar qed jinghata pariri dwaru mill-Kummissjoni li twaqqfet mill-Prim Ministru biex tirrapporta dwar l-Isptar Generali.