Go Back
STQARRIJA MILL-MINISTERU GĦALL-FINANZI Riżultati finali u allokazzjoni ta’ sottoskrizzjonijiet minn investituri mhux professjonali – Stock tal-Gvern ta’ Malta – Ottubru 2026
21/10/2026
B'referenza għall-Istqarrija għall-Istampa Nr. 261676 ippubblikata fid-9 ta' Ottubru 2026, id-Dipartiment tat-Teżor iħabbar ir-riżultati finali li jinkludu d-dettalji tas-sottoskrizzjonijiet minn investituri mhux professjonali (retail) u l-allokazzjoni f'kull stock.
F'dan il-ħruġ, it-Teżor irċieva s-somma totali nominali ta' €616,692,900 minn investituri mhux professjonali u l-investituri wholesale flimkien, waqt li l-ammont tal-ħruġ kien ta' €300,000,000 soġġett li s-somma tiżdied b'ammont addizzjonali sa massimu ta' €200,000,000.
Sottoskrizzjonijiet minn Investituri Mhux Professjonali
Sad-data tal-għeluq fis-2.30 p.m. tal-Erbgħa 7 ta' Ottubru 2026, it-Teżor irċieva 4,818 applikazzjoni mill-membri tal-pubbliku fiż-żewġ Stocks tal-Gvern ta' Malta li kellhom valur nominali ta' €178,692,900. Kif tħabbar diġà, dawn l-applikazzjonijiet li saru taħt il-parti mhux kompetittiva tal-ħruġ bi prezz fiss imħabbar minn qabel, ġew aċċettati kollha.
It-dettalji tal-applikazzjonijiet milqugħa u l-ammont aċċettat f'kull stock hu kif jidher hawn taħt:
| Deskrizzjoni tal-istock | Numru ta' Applikazzjonijiet | Allokazzjoni Nominali (€) |
| 4.30% Stock tal-Gvern ta' Malta 2037 (II) bi prezz ta' €100.00 | 3,197 | 118,488,600 |
| 4.50% Stock tal-Gvern ta' Malta 2041 (III) bi prezz ta' €100.00 | 1,621 | 60,204,300 |
| Total | 4,818 | 178,692,900 |
Irkant Kompetittiv – Wholesale Investors
Sad-data tal-għeluq f'nofsinhar tal-Ġimgħa 9 ta' Ottubru 2026, it-Teżor irċieva 47 offerta minn investituri wholesale f'żewġ stocks b'valur nominali flimkien ta' € li ġew allokati kif ġej:
| Deskrizzjoni tal-istock | Numru ta' Applikazzjonijiet | Allokazzjoni Nominali (€) |
| 4.30% Stock tal-Gvern ta' Malta 2037 (II) bi prezz ta' €100.00 | 3,197 | 118,488,600 |
| 4.50% Stock tal-Gvern ta' Malta 2041 (III) bi prezz ta' €100.00 | 1,621 | 60,204,300 |
| Total | 4,818 | 178,692,900 |
* Parti biss mill-offerta mitfugħa bi prezz cut-off ġiet aċċettata.
L-Istocks (MGSs) tal-investituri mhux professjonali (Retail) li jġibu l-ISINs MT0000014341 u MT0000014374 se jiġu elenkati fuq il-Borża ta' Malta nhar il-Ħamis, 22 ta' Ottubru 2026, u n-negozjar tagħhom jibda l-Ġimgħa, 23 ta' Ottubru 2026.
Aktar tagħrif u informazzjoni jinsabu fir-Riżultati tal-Ħruġ tal-istock li ġew ippubblikati fuq is-sit elettroniku tad-Dipartiment tat-Teżor Ħruġ ta' Stock tal-Gvern ta' Malta – Ottubru 2026 - The Department
Other Press Releases:
PR261902
STQARRIJA MILL-UFFIĊĊJU TAL-PRIM MINISTRU “Ejjew flimkien inkunu ta’ salva...
PR261901
STQARRIJA MILL-MINISTERU GĦALL-ARTI, IL-KULTURA U L-WIRT NAZZJONALI Rekord...
