AVVIŻ MILL-AWTORITÀ GĦAS-SIGURTÀ TAL-IKEL

Skont il-Kap 649 tal-Att dwar l-Awtorità għas-Sigurtà tal-Ikel, u f’konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku li wara analiżi li saret bħala parti mill-kontrolli uffiċjali li jsiru mill-istess Awtorità. Il-prodott imsemmi hawn taħt m’għandux jiġi kkunsmat minħabba li nstab li potenzjalment huwa kkontaminat bis-Salmonella.

Persuni infettati bis-Salmonella normalment jiżviluppaw sintomi bejn 12 u 36 siegħa wara l-infezzjoni, għalkemm il-perjodu ta’ inkubazzjoni jista’ jvarja minn 6 sa 72 siegħa. Is-sintomi ewlenin jinkludu dijarea, deni u wġigħ addominali, u d-dijarea tista’ kultant tkun bid-demm. Is-sintomi normalment idumu minn ftit jiem sa ġimgħa. Tfal żgħar, anzjani u dawk b’sistema immunitarja dgħajfa huma aktar f’riskju ta’ mard sever, li f’każijiet serji jista’ jirrikjedi dħul l-isptar.

Il-konsumatur m’għandux jikkonsma dan il-prodott u huwa mitlub jew jarmi l-prodott indikat jew jirritornah lura minn fejn xtrah.

Għal aktar informazzjoni, il-pubbliku jista’ jċempel lill-Awtorità għas-Sigurtà tal-Ikel fuq in-numru tat-telefown +356 26025000, mit-Tnejn sal-Ġimgħa bejn it-8:00 a.m. u t-3:00 p.m., jew jibgħat email fuq l-indirizz info.fssa@gov.mt.