STQARRIJA MILL-MINISTERU GĦALL-ĠUSTIZZJA, IR-RIĊERKA U L-INNOVAZZJONI Il-Gvern jieħu azzjoni biex isaħħaħ l-indipendenza tat-tribunali speċjalizzati

Il-Gvern Malti b’pass ieħor importanti biex isaħħaħ l-indipendenza ta’ tribunali speċjalizzati.

Illum il-Ministru għall-Ġustizzja, ir-Riċerka u l-Innovazzjoni Clifton Grima ltaqa’ ma’ delegazzjoni mill-Kummissjoni Venezja, wara li l-Gvern talab parir espert dwar ir-riformi proposti. Il-Ministru Grima rringrazzja lill-Kummissjoni Venezja li aċċettat it-talba ta’ Malta, u li din ġiet pajjiżna propju biex tiddiskuti din ir-riforma.

Il-Ministru Grima enfasizza li l-Gvern qiegħed jittrasforma l-impenn f’azzjoni. Malta rrevediet is-sistema attwali, ħejjiet abbozz ta’ leġiżlazzjoni u qed tavvanza din ir-riforma kif issa huwa wkoll imwiegħed fil-Manifest tal-Gvern għal din il-leġiżlatura. L-għan huwa li jiġi żgurat li t-tribunali speċjalizzati jkomplu jaqdu lill-pubbliku bl-għarfien espert, filwaqt li joperaw taħt regoli li jkomplu jsaħħu l-indipendenza tagħhom.

Il-laqgħa tal-lum kienet waħda pożittiva u wkoll kostruttiva. Il-Ministeru għall-Ġustizzja, ir-Riċerka u l-Innovazzjoni jħares ’il quddiem li jkompli l-kooperazzjoni tiegħu mal-Kummissjoni ta’ Venezja.