AVVIŻ MILL-AWTORITÀ GĦAS-SIGURTÀ TAL-IKEL

Skont il-Kap. 649 tal-Att dwar is-Sigurtà tal-Ikel, u f'konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku b'informazzjoni li rċeviet permezz tas-Sistema Rapida tal-Ikel u l-Għalf, (RASFF). Il-prodott imsemmi hawn taħt m'għandux jiġi kkunsmat minħabba l-possibbiltà tal-preżenza ta' 'Clostridium Botulinum type B' li tagħmel dan il-prodott mhux sikur biex jiġi kkunsmat.

'Clostridium Botulinum type B' hija batterja li tista' tikkaġuna avvelenament tal-ikel peress li tipproduċi tossin li jaffettwa s-sistema nervuża u tista' tikkaġuna botuliżmu, li hija marda li tista' tikkaġuna paraliżi severa tal-muskoli.

Prodott:	Mousse con Salmone
Ditta:	Land
Użin:	135g
Numru tal-lott / Data tad-durabbiltà:	0060074410 / 20/05/2026

Il-konsumatur m'għandux jikkonsma dan il-prodott u huwa mitlub jew jarmi l-prodott indikat jew jirritornah minn fejn xtrah.

Għal aktar informazzjoni, il-pubbliku jista' jċempel lill-Awtorità għas-Sigurtà tal-Ikel fuq in-numru tat-telefown +356 26025000, mit-Tnejn sal-Ġimgħa bejn it-8:00 ta' filgħodu u t-3:00 ta' wara nofsinhar, jew jibgħat email fuq l-indirizz info.fssa@gov.mt.