AVVIŻ MILL-AWTORITÀ GĦAS-SIGURTÀ TAL-IKEL

B'referenza għall-istqarrija PR260213  ippubblikata fis-7 ta' Frar 2026, u l-istqarrija PR260222 ppubblikata fid-9 ta' Frar 2026, u skont il-Kap 649 tal-Att dwar is-Sigurtà tal-Ikel, kif ukoll f'konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku b'informazzjoni addizzjonali li rċeviet permezz tas-Sistema Rapida tal-Ikel u l-Għalf, (RASFF). Il-prodott imsemmi hawn taħt ma għandux jiġi kkunsmat minħabba l-possibbiltà tal-preżenza ta' 'cereulide' (tossina) li tagħmel dan il-prodott mhux sikur biex jiġi kkunsmat.

'Cereulide' hija tossina prodotta minn ċerti tipi ta' 'Bacillus cereus'. 'Cereulide' hija reżistenti ħafna għas-sħana, li jfisser li x'aktarx ma tiġix diżattivata jew meqruda waqt it-tisjir, bl-użu ta' ilma jagħli jew waqt il-preparazzjoni tal-ħalib tat-trabi. Jekk tiġi kkunsmata, tista' twassal malajr għal sintomi ta' avvelenament mill-ikel. Is-sintomi kkawżati minn din it-tossina jistgħu jinkludu dardir, rimettar u uġigħ ta' żaqq.

Prodott:	Aptamil Nutribiotik 2
Użin:	830g
Numru tal-lott / Data tad-durabbiltà:	111470641 / 21-07-2026
	111475576 / 30-07-2026

Il-konsumatur ma għandux jikkonsma dan il-prodott u huwa mitlub jew jarmi l-prodott indikat jew jirritornah lura minn fejn xtrah.

Għal aktar informazzjoni, il-pubbliku jista' jċempel lill-Awtorità għas-Sigurtà tal-Ikel fuq in-numru tat-telefown +356 26025000, mit-Tnejn sal-Ġimgħa bejn it-8:00 ta' filgħodu u t-3:00 ta' waranofsinhar, jew jibgħat email fuq l-indirizz info.fssa@gov.mt.