STQARRIJA MILL-MINISTERU GĦAS-SAĦĦA U L-ANZJANITÀ ATTIVA Il-Ministeru għas-Saħħa jilqa’ d-digriet favur saħħet il-pazjent

Il-Ministeru għas-Saħħa u l-Anzjanità Attiva jilqa' d-Digriet mogħti llum mill-Qorti fir-rigward tal-Mandat ta' inibizzjoni inizjalat minnu fil-konfront ta' direttivi li ħarġet l-MUMN li kienu se jwaqqfu operazzjonijiet tal-qalb fil-Cat. Suite fl-Isptar Mater Dei.

Il-Ministeru jinnota b'sodisfazzjon illi l-Qorti rriaffermat prinċipji stabbiliti minn Digrieti oħra tal-Qorti, illi s-saħħa tal-pazjent qatt m'għandha tiġi perikolata minn l-ebda direttiva sproporzjonata tal-union.