STQARRIJA MILL-MINISTERU GĦALL-INTERN, IS-SIGURTÀ U X-XOGĦOL

Hija ħasra li l-Oppożizzjoni, anke mill-fatt li l-ħelikopters tal-armata jidħlu għall-manutenzjoni kif skedat u skont regoli stretti ħafna, trid tagħmel kapital politiku.

Kif diġà kien spjegat, dawn huma proċeduri li jġibu fuq quddiem l-interess tas-sigurtà tal-ekwipaġġ u anke s-sostenibbiltà tal-assi tal-istess armata. Li wieħed jagħti x’jifhem li din il-manutenzjoni b’xi mod tista’ ma ssirx, jew huwa xi nuqqas għax issir, m’huwa xejn għajr opportuniżmu irresponsabbli.

Il-gvern ftit li xejn jista’ jieħu tagħlimiet mingħand min ħalla lill-ħaddiema bl-agħar kundizzjonijiet, liema kundizzjonijiet dan il-gvern tejjeb għal darba tnejn kif sar sal-aħħar jiem stess meta ġie ffirmat ftehim settorali ieħor li ta iktar kundizzjonijiet b’saħħithom lis-suldati.

Kundizzjonijiet li huma kkumplimentati minn ħafna investiment ieħor fl-armata.