STQARRIJA MILL-GVERN TA’ MALTA Il-Gvern ta’ Malta jsellem il-memorja ta’ Papa Franġisku

Il-Gvern ta’ Malta jsellem il-memorja ta’ Papa Franġisku u jagħti l-kondoljanzi lill-Istat tal-Vatikan.

Il-Papa Franġisku kellu rabta speċjali ma’ pajjiżna wara li għamel żjara appostolika f’pajjiżna fl-2022. Kienet okkażjoni sabiħa li fiha Papa Franġisku żar il-gżejjer Maltin u ltaqa’ mal-poplu Malti u Għawdxi f’laqgħat li jibqgħu mfakkra fl-istorja ta’ dan il-pajjiż.

Filwaqt li nnota l-laqgħat li kellu fuq livell personali ma’ Papa Franġisku, il-Prim Ministru Robert Abela rrimarka għall-ħidma importanti li wettaq Papa Franġisku tul il-pontifikat tiegħu fosthom li wassal vuċi importanti favur dawk l-aktar vulnerabbli u tella’ fuq l-aġenda internazzjonali numru ta’ temi soċjali.

Papa Franġisku ħadem bi sħiħ favur il-paċi fi żmien ta’ sfidi ġeo-politiċi u mbotta riformi notevoli fil-Knisja Kattolika.