STQARRIJA MILL-KUMMISSJONI ELETTORALI Elezzjoni Każwali għall-Kunsill Lokali ta’ Ħaż-Żebbuġ (M)

Nomini ta' Kandidati

Il-Kummissjoni Elettorali tavża illi se tirċievi n-nomini tal-kandidati għall-Elezzjoni Każwali biex jimtela l-post ta' Kunsillier għall-Kunsill Lokali ta' Ħaż-Żebbuġ (M) wara l-mewt tal-Kunsillier Godwin Grech, sa nhar l-Erbgħa, 15 ta' Jannar, 2025 f'nofsinhar.

Il-kandidati jistgħu jissottomettu n-nomina tagħhom personalment fl-Uffiċċju Elettorali fin-Naxxar bejn l-10:00 a.m. u nofsinhar minn nhar it-Tnejn, 13 ta' Jannar sal-Erbgħa, 15 ta' Jannar, 2025, jew online permezz tal-link https://electoral.gov.mt/nominations minn nhar it-Tnejn, 13 ta' Jannar fl-10:00 a.m. sa nofsinhar l-Erbgħa, 15 ta' Jannar, 2025.

Il-kandidati prospettivi huma avżati li jridu jippreżentaw il-Karta tal-Identità tagħhom. F'każ li l-formola tan-nomina se tiġi ppreżentata mir-rappreżentant tal-kandidat minħabba raġuni ta' mard jew safar, ir-rappreżentant għandu jissottometti prokura mill-kandidat li tkun speċifika għal dan il-għan u awtentikata minn nutar pubbliku. Ma' kull nomina għandu jsir depożitu ta' €90.

Il-formoli tan-nomini tal-kandidati prospettivi jistgħu jinkisbu mill-Uffiċċju tal-Kummissjoni Elettorali matul il-ġranet tan-nomini.