STQARRIJA MILL-UFFIĊĊJU TAL-ISPEAKER Jiġi ppreżentat ir-Rapport Annwali tal-Bord Indipendenti għall-Ilmenti dwar il-Pulizija lill-Ispeaker

Illum ġie ppreżentat ir-Rapport Annwali tal-Bord Indipendenti għall-Ilmenti dwar il-Pulizija lill-Ispeaker tal-Kamra tad-Deputati, Dr Anġlu Farrugia.

Ir-rapport ġie ppreżentat miċ-Chairman tal-Bord, l-Imħallef Emeritu Franco Depasquale, flimkien mas-Segretarju tal-Bord, l-Ambaxxatur John Spiteri.

L-Ispeaker qal li din il-preżentazzjoni tirrifletti l-importanza li l-Bord jassigura li l-ilmenti mressqa jiġu indirizzati b'mod imparzjali u professjonali. Huwa informa wkoll li dan ir-rapport importanti ser jitqiegħed fuq il-Mejda tal-Kamra fl-ewwel seduta tas-sena 2025.