STQARRIJA MILL-MINISTERU GĦAS-SAĦĦA U L-ANZJANITÀ ATTIVA: Maħtur chief government medical officer ġdid

Il-Ministru għas-Saħħa u l-Anzjanità Attiva Jo Etienne Abela awgura lil Dr Clarence Pace għall-kariga l-ġdida tiegħu ta’ chief government medical officer fi ħdan il-Ministeru għas-Saħħa u l-Anzjanità Attiva.

Dr Clarence Pace huwa konsulent Maxillofacial Surgeon/Head & Neck Surgeon u għal dawn l-aħħar disa’ snin, Dr Pace okkupa l-kariga ta’ direttur ġenerali tas-Servizzi tal-Kura tas-Saħħa fil-Ministeru għas-Saħħa u l-Anzjanità Attiva.

Dr Pace temm il-kwalifika doppja ta’ undergraduate tiegħu fil-Mediċina fl-2005 u d-Dentistrija fl-1999 fl-Università ta’ Malta u wara kompla t-taħriġ kirurġiku tiegħu fir-Renju Unit.

Il-Ministru Jo Etienne Abela rringrazzja lil Dr Walter Busuttil tal-ħidma tiegħu tul l-aħħar snin u awgura lil Dr Clarence Pace fl-irwol il-ġdid tiegħu.