STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR

L-istqarrija tal-Partit Nazzjonalista dwar l-Inwadar hi bbażata fuq miżinformazzjoni.

Il-Gvern qed iżomm mal-impenn tiegħu li l-Ponta taż-Żonqor tibqa’ mħarsa bħala parti integrali mill-Park Nazzjonali tal-Inwadar. 

F’Awwissu li għadda kienu diġà ġew ippubblikati u approvati bidliet regolatorji fejn ittieħdu passi biex tissaħħaħ it-tmexxija u l-protezzjoni ta’ din iż-żona naturali ta’ valur.

Inkluż mal-liġi kif ippubblikata fuq il-gazzetta tal-Gvern, hemm anness pjanta li turi biċ-ċar li ż-żona tal-AUM ġiet miżjuda mal-Park tal-Inwadar. 

Dan l-impenn kontinwu tal-Gvern lejn il-ħarsien ambjentali jikkonferma l-prijoritajiet ċari biex is-siti naturali ta’ Malta jiġu mħarsa b’mod sostenibbli.