Left arrow Go Back

STQARRIJA MILL-UFFIĊĊJU TAL-PRESIDENT

PR241472
Date Icon 19/09/2024

Fi ftit ġranet oħra nidħlu fix-xahar ta’ Ottubru: xahar illi fl-isfera ta’ saħħet il-poplu huwa sinonimu mal-kampanja Pink October, liema kampanja, bl-inizjattiva tal-Fondazzjoni Marigold, inbdiet fl-2014 biex tinkoraġġixxi l-prevenzjoni tal-kanċer tas-sider.  

F’dawn l-aħħar snin, din il-kampanja, li baqgħet essenzjalment kampanja ta’ informazzjoni u prevenzjoni, ġiet estiża għax-xahar ta’ Novembru, dejjem bl-inizjattiva tal-istess Fondazzjoni Marigold, biex tinkorpora fiha wkoll għarfien dwar tipi oħra ta’ kanċer bħal l-kanċer tal-prostata u tat-testikoli fl-irġiel.

B’hekk, il-kampanja ta’ għaxar ġimgħat mifruxa fuq Ottubru u Novembru, qiegħda tolqot sew il-mard tal-kanċer li primarjament jaffettwa lin-nisa, kif ukoll il-mard tal-kanċer li jolqot lill-irġiel.   

Il-Presidenza, filwaqt li tapprezza x-xogħol li jsir fl-organizzazzjoni ta’ din il-kampanja, sew min-naħa tal-Marigold Foundation, kif ukoll l-għajnuna bit-testijiet min-naħa tal-Awtoritajiet tas-Saħħa, tħeġġeġ lill-poplu Malti u Għawdxi sabiex jirrikorri għas-servizzi ta’ screenings provduti mill-awtoritajiet, biex kemm jista’ jkun il-kanċer jinqabad mill-bidu u kmieni.

Dan essenzjalissimu. B’hekk tiżdied ir-rata ta’ suċċess fil-fejqan.

Il-kampanja ta’ prevenzjoni tissarraf f’ġid għall-poplu kollu u għall-pajjiż, kemm-il darba l-individwi, min-naħa tagħhom, ikollhom għarfien sħiħ tar-riperkussjonijiet li jistgħu jolqtu lilhom, lil familthom, lix-xogħol tagħhom, u dak kollu illi jifforma l-ħajja ta’ kuljum, jekk jinjoraw u jibqgħu ma jagħtux każ, ukoll meta jkun hemm sinjali inkwetanti.   

Din l-istqarrija qiegħda ssir illum 19 ta’ Settembru 2024, fl-okkażjoni tat-tnedija tal-kampanja Pink October Movember għal din is-sena 2024, u b’apprezzament għax-xogħol li jitwettaq fl-organizzazjoni tal-Pink October Movember mill-Fondazzjoni Marigold. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow