Left arrow Go Back

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI Il-gvern ikompli bil-ħidma favur il-ħarsien tar-raba’

pr241438
Date Icon 12/09/2024

Il-Ministeru għall-Agrikoltura, is-Sajd u d-Drittijiet tal-Annimali jassoċja ruħu mal-pożizzjoni tal-għaqdiet fil-qasam tal-biedja u l-Kamra tal-Periti dwar il-bżonn li r-raba’ jiġi protett. 

Fil-fatt, il-gvern wera dan billi indirizza l-akbar problema fil-qasam tar-raba’, dik li jkun protett il-bidwi illi jaħdmu, sabiex ikun żgurat li r-raba’ jibqa’ jinħadem għall-iskop tiegħu. Dan sar permezz ta’ riforma komprensiva, li tinkludi diversi miżuri u azzjonijiet li qed ikunu implimentati matul din il-leġiżlatura. 

L-għan tar-riforma li tħabbret fl-2022, hu li jiġi mħares ir-raba’ fl-interess pubbliku b’mod leġittimu u proporzjonat biex b’hekk issir ġustizzja mal-partijiet kollha inkluż mas-sid, titnaqqas l-ispekulazzjoni żejda, jitħarsu ż-żoni rurali, u, fuq kollox, jingħata sostenn għall-biedja fl-isfond tal-importanza tagħha fil-provvista tal-ikel. Ir-riforma rrikonoxxiet li l-ħarsien tar-raba’ huwa fundamentali biex niggarantixxu s-sostenibbiltà tal-biedja, il-produzzjoni tal-ikel, u l-ħarsien tal-ambjent rurali.

L-ewwel pass storiku kien it-tibdil fl-Att dwar it-Tiġdid tal-Kiri tar-Raba’, fejn iddaħħal tibdil leġiżlattiv li joħloq bilanċ bejn id-drittijiet tas-sid u dawk tal-bdiewa li jaħdmu l-art agrikola. Insegwitu ta’ dan it-tibdil, permezz ta’ setgħa li ngħatat lill-ministru responsabbli mill-agrikoltura, ġie pubblikat avviż legali li ħoloq qafas proporzjonat għaż-żieda fil-kiri tar-raba’, li jikkunsidra l-attività agrikola. 

Riċentement, ġie introdott l-Att Agrikolu, li jagħti s-setgħa lill-ministru responsabbli mill-agrikoltura biex jissalvagwardja l-attivitajiet agrikoli u jimplimenta titjib billi joħloq regolamenti u inċentivi favur l-art agrikola.

Apparti l-introduzzjoni ta’ liġijiet, it-twettiq tar-riforma beda bit-twaqqif ta’ Aġenzija li għandha r-responsabbiltà li tindokra l-art agrikola, kif ukoll tnedew miżuri favur il-ħarsien tar-raba’. Fil-fatt waħda mill-miżuri li tħabbret fil-budget tas-sena l-oħra u qiegħda fil-proċess li tiġi mwettqa din is-sena hija dik li jiġu stabbiliti miżuri li jħarsu u jiżguraw l-ħtieġa li art agrikola tinħadem għall-iskop agrikolu tagħha.

Il-proċess beda b’konsultazzjoni pubblika dwar il-bżonn tal-ħarsien tar-raba’ waqt l-Agrifair li saret f’April ta’ din is-sena, li wassal għal abbozz ta’ qafas legali li ġie ppreżentat lill-Kunsill Konsultattiv Agrikolu, li jservi ta’ pjattaforma li tiffaċilita d-djalogu dirett mal-komunità tal-biedja. Dan l-abbozz maħsub li jħares ir-raba’ billi jillimita l-frammentazzjoni tar-raba’ f’daqs li ma jagħmilx sens għall-biedja, li jiżgura li r-raba’ jinħadem għal skop agrikolu u li jinżamm fi stat tajjeb.

Tragward ieħor li ntlaħaq bħala parti mir-riforma, kien il-pubblikazzjoni ta’ avviż legali li jirregola il-kategorizzazzjoni tal-bdiewa u r-raħħala.  Permezz ta’ dan l-avviż legali, id-Direttorat tal-Agrikoltura kull sena għandu s-setgħa li jikklassifika l-bdiewa abbażi tal-produzzjoni mill-attività tagħhom. Dan l-istrument ser ikun qed jintuża fit-twettiq tal-politika agrikola li tippremja lill-dawk il-bdiewa li verament jaħdmu l-art u jikkontribwixxu lejn is-sigurtà u s-sovranità tal-ikel fil-gżejjer Maltin. 

Il-gvern itenni l-impenn tiegħu li jkompli jwettaq ir-riforma fil-qasam tar-raba’ u li jkompli jdaħħal strumenti leġiżlattivi li jiżguraw il-ħarsien tal-bdiewa u tar-raba’ bl-aħjar mod. Fil-budget li ġej ser jitħabbru numru ta’ miżuri ġodda li jkomplu jibnu fuq dak li diġà twettaq. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow