AVVIŻ MID-DIRETTORAT GĦAS-SAĦĦA AMBJENTALI
Skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika, jixtieq jinforma lill-pubbliku, li wara informazzjoni li rċieva permezz tas-Sistema Rapida tal-Ikel u l-Għalf, l-imsemmi prodott m'għandux jiġi kkunsmat minħabba li nstab li potenzjalment huwa bil-Yersinia enterocolitica.
Il-Yersinia enterocolitica huwa mikrobu trażmess mill-ikel li jkun ikkontaminat u li jikkawża avvelenament tal-ikel. Is-sintomi jinkludu deni, uġigħ ta' żaqq, u diarrhea li tista' tkun bid-demm. Is-sintomi jitfaċċaw bejn erbat u għaxart ijiem wara l-infezzjoni.
| Deskrizzjoni tal-prodott: | Ġobon magħmul minn ħalib tal-mogħoż nej |
| Isem tal-prodott: | Banon Traditionnel |
| Lottijiet: | 2480249; 2480729; 2481684; 2482040; 2482434 |
| Dati tad-Durabbiltà: | Id-dati kollha mis-7 ta' Lulju sat-2 ta' Settembru 2024 |
![]() |
Għal aktar informazzjoni, il-pubbliku jista' jċempel lis-Servizzi tas-Saħħa Ambjentali fuq in-numru tat-telefon 2133 7333 mit-8:00 ta' filgħodu sas-2:30 ta' waranofsinhar jew jibgħat imejl fuq admin.ehd@gov.mt. Il-pubbliku huwa ġentilment mitlub iżur il-paġna tad-Direttorat fuq Facebookhttps://www.facebook.com/EHDMalta jew is-sit uffiċjali fuq https://environmentalhealth.gov.mt għal informazzjoni simili.
Other Press Releases:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN
