STQARRIJA MILL-MINISTERU GĦAL GĦAWDEX U L-IPPJANAR Opinjoni tal-Avukat Ġenerali Tamara Capeta fil-kawża, Il-Kummissjoni vs Malta dwar id-deroga għar-Riċerka tal-Għasafar tal-Għana (Kawża C-23/23)
Illum, l-Avukat Ġenerali Tamara Capeta tat il-konklużjonijiet tagħha fil-kawża, Il-Kummissjoni vs Malta dwar id-deroga ta’ riċerka fuq seba’ speċi ta ’għasafar tal-għana selvaġġi.
Il-konklużjonijiet tal-Avukat Ġenerali ma jorbtux lill-Qorti tal-Ġustizzja. L-Avukati Ġenerali jipprovdu soluzzjonijiet legali indipendenti għall-każijiet li jittrattaw, u l-opinjonijiet tagħhom iservu bħala rakkomandazzjoni lill-Qorti. Is-sentenza finali mill-Qorti tal-Ġustizzja tal-Unjoni Ewropea se tingħata aktar tard.
Il-Gvern ta’ Malta jieħu nota ta’ din l-Opinjoni. Madankollu huwa diżappuntat bil-konklużjonijiet tal-Avukat Ġenerali. Għalkemm l-Opinjoni għad trid tiġi eżaminata fil-fond, il-Gvern jibqa’ impenjat fil-kawża u lest li jerġa’ jiftaħ proċeduri quddiem il-Qorti tal-Ġustizzja biex ikompli jiddefendi d-deroga tar-riċerka u l-interessi tal-kaċċaturi u tan-nassaba. Il-Gvern ta’ Malta huwa konvint bl-argument li ressaq quddiem il-Qorti tal-Ġustizzja u għadu possibbli li l-Qorti tiddeċiedi favur Malta.
Other Press Releases:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN