Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦAT-TURIŻMU U L-INDAFA PUBBLIKA ​Il-Final Four tal-Waterpolo Champions League Ewropej tal-irġiel f'Malta bejn il-5 u s-7 ta' Ġunju

pr240921
Date Icon 28/05/2024

Għall-ewwel darba fl-istorja, l-Assoċjazzjoni tal-Isport Akwatiku ta' Malta (ASA) se tospita l-finali tal-aħħar erba' timijiet (Final Four) tal-Waterpolo Champions League tal-irġiel bejn il-5 u s-7 ta' Ġunju, fil-Pixxina Nazzjonali f'Tal-Qroqq.

Malta ntgħażlet wara li l-applikazzjoni li saret mill-ASA kienet tissodisfa r-rekwiżiti kollha ewlenin tal-Federazzjoni Ewropea għall-Isport Akwatiku u għandha l-appoġġ sħiħ tal-Gvern Malti bil-kollaborazzjoni ma' SportMalta u VisitMalta.

Il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima qal li dan huwa riżultat pożittiv ieħor tal-ħidma tal-gvern flimkien mal-assoċjazzjonijiet sportivi. Tenna li l-Gvern kommess li jkompli jgħin lill-isport Malti b'kull mezz biex dan is-settur ikompli jikber.

“Huwa ta' sodisfazzjon li pajjiżna qed ikun magħżul biex isiru avvenimenti internazzjonali sportivi, xhieda tal-professjonalità f'dan is-settur, il-kwalità għolja ta' infrastruttura sportiva li għandna kif ukoll għaliex qed inkunu kkunsidrati li għandna dak kollu li huwa rikjest biex avvenimenti sportivi ta' dan il-livell isiru f'pajjiżna", qal il-Ministru Grima.

Il-Ministru għat-Turiżmu u l-Indafa Pubblika Clayton Bartolo rrimarka li t-turiżmu sportiv qiegħed jgħin bil-kbir biex inkomplu nattiraw turiżmu ta' kwalità ogħla lejn il-Gżejjer Maltin. “Il-fatt li ser ikollna turnew tal-waterpolo tal-livell internazzjonali jintlagħab f'pajjiżna jġib miegħu numru kbir ta' benefiċċji fosthom atleti u viżitaturi ta' kwalità ogħla kif ukoll viżibilità b'saħħitha tal-Gżejjer Maltin għal kull min isegwi dan l-isport," sostna l-Ministru Clayton Bartolo.

F'dan il-kampjonat, li beda fl-1963, jieħdu sehem l-aqwa timijiet minn madwar l-Ewropa u hija l-aktar kompetizzjoni prestiġjuża tal-klabbs tal-waterpolo professjonali tal-kontinent. Il-logħob jinkludi żewġ semifinali u żewġ finali.

Il-President tal-ASA Karl Izzo spjega li t-timijiet li qed jikkompetu jinkludu l-Pro Recco (Italja - iċ-champions Ewropej renjanti għat-tielet sena konsekuttiva; Novi Beograd (Serbia) - runners-up fiż-żewġ edizzjonijiet preċedenti; Ferencvaros (Ungerija) - iċ-champions tal-2019; u Olympiacos (Greċja) - darbtejn rebbieħa taċ-Champions League.

Bħala parti mill-avveniment, se jiġi stabbilit villaġġ sportiv fid-daħla tal-Pixxina Nazzjonali biex titjieb l-esperjenza tal-ispettatur. Il-villaġġ se jiftaħ fil-17:00, filwaqt li l-ewwel semifinali tibda fis-19:00 u t-tieni semifinali fid-21:00. It-tielet u r-raba' post u l-finali jintlagħbu fis-7 ta' Ġunju fl-istess ħinijiet.

L-avveniment se jixxandar fuq diversi networks internazzjonali tat-televiżjoni u se jiġi amplifikat permezz ta' impenn qawwi fil-midja soċjali, li jiżgura udjenza Ewropea vasta. Ħames xandara internazzjonali diġà kkonfermaw li se jittrażmettu l-avveniment.

Il-biljetti huma għall-bejgħ mis-sit tal-Assoċjazzjoni Sport Akwatiku, www.asaofmalta.eu. Minħabba raġunijiet ta' sigurtà, il-biljetti mhux se jinbiegħu fil-bieb.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦAT-TURIŻMU U L-INDAFA PUBBLIKA ​Il-Final Four tal-Waterpolo Champions League Ewropej tal-irġiel f'Malta bejn il-5 u s-7 ta' Ġunju
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦAT-TURIŻMU U L-INDAFA PUBBLIKA ​Il-Final Four tal-Waterpolo Champions League Ewropej tal-irġiel f'Malta bejn il-5 u s-7 ta' Ġunju
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦAT-TURIŻMU U L-INDAFA PUBBLIKA ​Il-Final Four tal-Waterpolo Champions League Ewropej tal-irġiel f'Malta bejn il-5 u s-7 ta' Ġunju
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦAT-TURIŻMU U L-INDAFA PUBBLIKA ​Il-Final Four tal-Waterpolo Champions League Ewropej tal-irġiel f'Malta bejn il-5 u s-7 ta' Ġunju
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow