Left arrow Go Back

STQARRIJA MILL-MINISTERU GĦAL GĦAWDEX U L-IPPJANAR U MIS-SEGRETARJAT PARLAMENTARI GĦALL-GVERN LOKALI Librerija pubblika ġdida fil-qalba tal-Qala

pr240919
Date Icon 28/05/2024

Il-Ministru għal Għawdex u l-Ippjanar Clint Camilleri u s-Segretarju Parlamentari għall-Gvern Lokali Alison Zerafa Civelli flimkien mas-Sindku tal-Qala Paul Buttigieg u l-kunsill lokali inawguraw librerija ġdida fil-Qala. Din il-librerija saret b’investiment finanzjarju mill-Kunsill Lokali tal-Qala u fondi mill-Ministeru għal Għawdex u l-Ippjanar. 

Il-Ministru Clint Camilleri qal li proġetti bħal dawn fil-qalba tal-komunità jkomplu jħeġġu t-tagħlim u l-edukazzjoni b’mod partikolari l-qari li tant huwa importanti sabiex it-tfal ikomplu jiżviluppaw il-ħiliet tagħhom. Huwa sostna li l-ministeru kontinwament jgħin lill-kunsilli lokali sabiex jimplimentaw proġetti diversi għall-ġid tal-komunità kollha għaliex dan huwa l-għan tal-Gvern li jkompli jtejjeb l-irħula Għawdxin u Maltin biex igawdu r-residenti. 

Il-Ministru Camilleri appella lill-ġenituri sabiex iħeġġu lit-tfal iżuru l-libreriji li hawn fil-lokalitajiet fosthom din tal-Qala sabiex tkompli titnissel kultura ta’ qari f’pajjiżna.

Min-naħa tagħha, is-Segretarju Parlamentari Alison Zerafa Civelli faħħret l-impenn tal-Kunsill Lokali tal-Qala favur dan il-proġett edukattiv u ta’ tagħlim. Hija qalet li proġetti bħal dawn jikkonfermaw ir-relevanza tal-kunsilli lokali u kemm ħidmiethom hija importanti għall-komunitajiet Għawdxin u Maltin.

"Il-kotba u l-qari huma għodda għal kull individwu, kbir jew żgħir, li jgħinuna nżidu l-għarfien tagħna. Dan il-proġett ta’ librerija ġdida fil-komunità tal-Qala, huwa tassew estensjoni tal-ħidma tal-Gvern li kommess li jżomm l-edukazzjoni u t-tagħlim fiċ-ċentru tal-ħidma tiegħu," spjegat is-Segretarju Parlamentari Zerafa Civelli.

Din il-librerija se tkun qed toffri rokna sensorjali għal tfal bl-awtiżmu, sabiex tkun librerija inklussiva u tilqa’ t-tfal kollha bla distinzjoni. Din il-librerija ġiet attrezzata bi rkejjen fejn tfal jistgħu jiltaqgħu biex jaqraw u jaħdmu flimkien, filwaqt li hemm żoni oħra apposta biex isir qari fil-kwiet. Inxtraw ammont ta’ bean bags ikkuluriti biex jagħtu dehra aktar vibranti lil-librerija u għamara ġdida u moderna. Minbarra kotba għat-tfal, inxtraw ukoll numru ta’ kotba għall-adulti. Dan il-proġett tal-librerija kien jinkludi wkoll xogħol ta’ tisbiħ tal-binja. 

Is-Sindku tal-Qala Paul Buttigieg spjega li l-librerija ser tkun qed toffri wkoll spazju ġdid fejn jistgħu jsiru diversi attivitajiet u laqgħat. “Il-kunsill lokali kommess li jibqa’ jinvesti f’materjal ġdid, għaliex librerija trid tibqa’ taġġornaha bil-kotba,” temm jgħid is-Sur Buttigieg. 

STQARRIJA MILL-MINISTERU GĦAL GĦAWDEX U L-IPPJANAR U MIS-SEGRETARJAT PARLAMENTARI GĦALL-GVERN LOKALI Librerija pubblika ġdida fil-qalba tal-Qala
STQARRIJA MILL-MINISTERU GĦAL GĦAWDEX U L-IPPJANAR U MIS-SEGRETARJAT PARLAMENTARI GĦALL-GVERN LOKALI Librerija pubblika ġdida fil-qalba tal-Qala
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow