Left arrow Go Back

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR U MILL-MINISTERU GĦALL-GĦAWDEX U L-IPPJANAR Tisħiħ tad-distribuzzjoni elettrika f’Marsalforn

PR240913
Date Icon 27/05/2024

Matul il-jiem li ġejjin, il-kumpanija Enemalta ser tkun qed twettaq xogħlijiet f'Marsalforn biex mhux biss isaħħaħ id-distribuzzjoni elettriku fiż-żona, iżda tkun qed tipprepara biex fix-xhur suċċessivi, dan ix-xogħol jitkompla.

Dan tħabbar mill-Ministru għal Għawdex u l-Ippjanar Clint Camilleri waqt żjara f'Triq il-Qbajjar, Marsalforn fejn ser isir l-intervent. Il-Ministru Clint Camilleri rrimarka li dan il-proġett estensiv ta' tisħiħ tan-network tal-Enemalta f'Marsalforn, li wara ser ikompli jinfirex f'lokalitajiet oħra fl-akwati, huwa parti minn proġett aktar wiesa li qed taħdem fuqu l-Enemalta f'Għawdex biex tkompli issaħħaħ id-distribuzzjoni u l-provvista tal-elettriku.

Il-ministru spjega li peress li dan hu proġett ta' ċertu portata u importanza, ser ikun maqsum f'erbgħa fażijiet bil-għan li tonqos l-inkonvenjenza kemm għar-residenti, għan-negozji  kif ukoll għall-viżitatur ta' dan il-villaġġ turistiku.

Il-ministru kompla jispjega li l-ewwel fażi, u li ser tkun lesta qabel jibda l-istaġun tas-sajf, ser tara li jiġi installat cable ġdid tal-elettriku f'parti minn Triq il-Qbajjar b'tul ta' aktar minn 340 metru. Wara li jintemm l-istaġun, il-proġett ser ikompli matul il-medda tat-triq kif ukoll f'toroq oħra fejn l-Enemalta diġà identifikat, fasslet il-pjani neċessarji u aġġudikat l-offerti.

Iċ-Chairperson Eżekuttiv ta' Enemalta, l-Inġ. Ryan Fava, qal li dan ix-xogħol li ser isir f'Marsalforn huwa parti mit-tisħiħ fid-distribuzzjoni tal-elettriku fil-gżira Għawdxija. Fix-xhur li għaddew, Enemalta, flimkien mal-Ministeru għal Għawdex, poġġiet cables ġodda ta' 11-il kilovolt ġewwa n-Nadur u x-Xlendi (Munxar) biex b'hekk jipprovdu lil Enemalta b'aktar konnessjonijiet alternattivi li jiffaċilitaw li tingħata lura l-provvista f'inqas ħin, f'każ ta' ħsarat.

Is-Sindku taż-Żebbuġ, li Marsalforn jagħmel parti minnu, Dr Marlene Cini laqgħet b'sodisfazzjon l-aħbar li apparti il-bdil ta' cables tad-dawl mill-Enemalta, din it-triq ser tingħata wiċċ ġdid. Hija awgurat li bit-tkomplija ta' dan il-proġett estensiv wara s-sajf, triq prinċipali f'Marsalforn tkun ingħatat wiċċ ġdid u li tkun tikkumplimenta proġett ferm akbar, dak tal-bini mill-ġdid tat-triq li mir-Rabat twasslek sa' Marsalforn, u dan b'rispett sħiħ lejn l-ambjent taż-żona wara diskussjonijiet li saru ma' diversi għaqdiet.

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR U MILL-MINISTERU GĦALL-GĦAWDEX U L-IPPJANAR Tisħiħ tad-distribuzzjoni elettrika f’Marsalforn
STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR U MILL-MINISTERU GĦALL-GĦAWDEX U L-IPPJANAR Tisħiħ tad-distribuzzjoni elettrika f’Marsalforn
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow