Left arrow Go Back

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Waslu fl-aħħar stadju x-xogħlijiet li għaddejjin fuq l-Ispazju Internazzjonali tal-Arti Kontemporanja ta’ Malta

pr240852
Date Icon 17/05/2024

Permezz ta’ dan il-proġett, tnax-il tomna fil-Furjana se jingħataw lura lill-pubbliku bis-saħħa tal-arti 

Ix-xogħlijiet fuq l-ewwel Spazju Internazzjonali tal-Arti Kontemporanja f’pajjiżna (MICAS) daħlu fl-istadju finali sabiex f’Ottubru tal-2024 dan il-kumpless jiġi inawgurat u b’hekk iktar minn tnax-il tomna fil-Furjana se jingħataw lura lill-pubbliku bis-saħħa tal-arti.

Waqt żjara fuq il-post flimkien ma’ numru ta' artisti u rappreżentanti mill-Aġenzija li tmexxi l-MICAS u d-Dipartiment tar-Restawr u Preservazzjoni, il-Ministru għall-Wirt Nazzjonali, l-Arti u l-Gvern Lokali Owen Bonnici fakkar li l-kumpless kollu qed isir b’investiment totali ta’ €30 miljun, b’parti minnhom - €8.2 miljun - ġejjin minn fondi Ewropej. 

Huwa qal li l-kumpless se jkun magħmul mill-Ispazju tal-Galleriji li se jkun mifrux fuq erba’ livelli u għandu medda ta’ 4,000 metru kwadru u kif ukoll spazji għall-artisti, ġonna u żoni pubbliċi, ristorant u uffiċini amministrattivi li jżewqu flimkien aspetti kontemporanji f’kuntest ta’ swar militari storiċi.

L-għan tal-kumpless hu li joffri spazji għall-esibizzjonijiet u installazzjonijiet artistiċi kontemporanji, kemm għall-Maltin kif ukoll għall-barranin li jżuruna u b’dan il-mod isem pajjiżna se jitpoġġa fuq il-mappa dinjija bħala destinazzjoni għal min irid igawdi s-sbuħija tal-arti kontemporanja. 

Il-Ministru Bonnici tenna li dan il-proġett tal-MICAS huwa wieħed mill-proġetti mwiegħda mill-Gvern bħala parti mill-manifest elettorali tiegħu. Tenna li apparti r-riġenerazzjoni tal-fortifikazzjonijiet, is-sit se jkollu wkoll żona ħadra biex titgawda mill-familji u l-viżitaturi. 

“Dan il-Gvern dejjem emmen li Malta jistħoqqilha li tkun protagonista fejn jidħlu wirjiet artistiċi kontemporanji u djalogi kulturali tal-ogħla livell internazzjonali. Inħares ’il quddiem biex nara dan is-sit jittrasforma fi spazju kreattiv, b’arkitettura unika li verament iservi bħala pjattaforma għall-iżvilupp futur tal-industrija kreattiva tagħna,” temm jgħid il-Ministru Bonnici.

Iċ-Chairperson tal-MICAS Phyllis Muscat rringrazzjat lill-membri tal-bord tal-MICAS talli mexxew ’il quddiem dan il-proġett għall-mużew tal-arti kontemporanja. “Ix-xogħlijiet biex jinbidel il-Counterguard ta’ San Salvatore fil-galleriji ta’ barra tal-MICAS u l-Ġnien tal-Iskulturi mxew b’pass kostanti minkejja l-isfidi esterni. Qed ikompli x-xogħol ukoll biex MICAS jiġi stabbilit bħala pjattaforma internazzjonali dinamika għall-arti kontemporanja, u dan sar anke waqt li żviluppajna l-programm artistiku internazzjonali tagħna b’konferenzi edukattivi u weekends annwali tal-arti,” saħqet is-Sa Muscat.

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Waslu fl-aħħar stadju x-xogħlijiet li għaddejjin fuq l-Ispazju Internazzjonali tal-Arti Kontemporanja ta’ Malta
STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Waslu fl-aħħar stadju x-xogħlijiet li għaddejjin fuq l-Ispazju Internazzjonali tal-Arti Kontemporanja ta’ Malta
STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Waslu fl-aħħar stadju x-xogħlijiet li għaddejjin fuq l-Ispazju Internazzjonali tal-Arti Kontemporanja ta’ Malta
STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Waslu fl-aħħar stadju x-xogħlijiet li għaddejjin fuq l-Ispazju Internazzjonali tal-Arti Kontemporanja ta’ Malta
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow