Left arrow Go Back

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL €10 miljun għat-taħriġ fil-ħiliet tal-ħaddiema

pr240841
Date Icon 16/05/2024

Għaxar miljun ewro ġew allokati f'għajnuna finanzjarja lill-intrapriżi kollha lokali li jridu jinvestu f'taħriġ tal-impjegati tagħhom. It-tiġdid tal-iskema “Investing in Skills", imħaddma minn Jobsplus u ko-finanzjata minn fondi Ewropej, taħseb biex tiżviluppa l-ħiliet ta' dawk li diġà huma fid-dinja tax-xogħol sabiex jiksbu ħiliet ġodda li jkunu aktar adattati għal ħtiġiet tas-suq tax-xogħol.

Dettalji dwar t-tiġdid tal-iskema ngħataw waqt konferenza tal-aħbarijiet mill-Ministru għall-Intern, is-Sigurtà u x-Xogħol Byron Camilleri u l-Kap Eżekuttiv ta' Jobsplus Leonid Mckay.

Fl-iskema ta' qabel kienu ġew investiti aktar minn €7.6 miljun f'taħriġ li minnu gawdew 1,200 intrapriża ta' kull daqs. B'kollox tħarrġu 'l fuq minn 22,000 ħaddiem f'aktar minn 45,000 esperjenza ta' taħriġ.

Il-Ministru Byron Camilleri qal li l-iskema, li minnha jgawdu kemm il-ħaddiema u anke min iħaddem, tnebbħet mill-politika tal-gvern li tinċentiva lil min iħaddem biex jinvesti u joħloq kwalità ta' xogħol aħjar għax ħadd ħlief min iħaddem m'għandu l-aqwa għarfien dwar il-ħiliet li għandhom bżonn l-impjegati tiegħu.

“Fl-aħħar snin r-rata ta' tkabbir ekonomiku ta' Malta u ta' dawk fid-dinja tax-xogħol kienu fost l-ogħla fl-Unjoni Ewropea u l-iskema tgħin tindirizza l-isfida ta' nuqqas ta' ħaddiema b'ħiliet speċjalizzati għax persważ li min iħaddem jippreferi jħarreġ lin-nies li għandu milli jġib ħaddiem minn barra. L-investiment fil-ħiliet iwassal lill-ħaddiema jkunu innovattivi u armati biex l-isfidi varji li pajjiżna jaffronta jiddawru f'opportunitajiet," temm jgħid il-ministru.

Min-naħa tiegħu, il-Kap Eżekuttiv Leonid McKay qal li din l-akbar skema ta' taħriġ ta' Jobsplus taqdi għat-talba tal-intrapriżi lokali li jaraw l-għajnuna esterna biex iħarrġu lill-ħaddiema tagħhom bħala l-aktar miżura effettiva. Dan billi tħarreġ lill-impjegati waqt li jkunu qed jaħdmu, tinvesti fil-ħiliet tagħhom u anke ttejjeb il-kwalità tal-impjieg u l-produttività.

L-iskema mġedda ta' “Investing in Skills" tkopri l-ispejjeż marbuta mal-paga ta' min jitħarreġ waqt li jaħdem, il-ħlas tat-taħriġ u saħansitra l-ispejjeż amministrattivi indiretti. Taħseb ukoll għal sussidju ogħla fuq ir-rata ta' siegħa xogħol tas-salarju ta' ħaddiem li jkun qed jitħarreġ li se tkun marbuta mar-rata medja tas-salarji u mhux mal-paga minima nazzjonali. L-assistenza se tingħata skont id-daqs tal-intrapriża, b'kumpaniji kbar jingħataw 50% tar-rata, dawk medji 60% u ż-żgħar 70%.

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL €10 miljun għat-taħriġ fil-ħiliet tal-ħaddiema
STQARRIJA MILL-MINISTERU GĦALL-INTERN, IS-SIGURTÀ U X-XOGĦOL €10 miljun għat-taħriġ fil-ħiliet tal-ħaddiema
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow