Left arrow Go Back

STQARRIJA MIS-SEGRETARJAT PARLAMENTARI GĦALL-UGWALJANZA U R-RIFORMI Malta terġa’ tikklassifika fl-ewwel post fl-ugwaljanza għall-persuni LGBTIQ+

pr240819
Date Icon 15/05/2024

Għad-disa' sena konsekuttiva Malta ġiet fl-ewwel post fl-ILGA-Europe Rainbow Map Equility Index. Dan l-indiċi dwar l-ugwaljanza jkejjel id-drittijiet ċivili u d-drittijiet umani li l-komunitajiet LGBTIQ+ ikunu qegħdin jesperjenzaw f'49 pajjiż Ewropew.

Is-Segretarju Parlamentari għall-Ugwaljanza u r-Riformi Rebecca Buttigieg esprimiet is-sodisfazzjon li dan kien it-tieni ċertifikat pożittiv għal Malta din il-ġimgħa minn żewġ organizzazzjonijiet internazzjonali fil-qasam tal-ugwaljanza u l-inklussività.

“Dan l-għarfien internazzjonali huwa xhieda tar-riformi progressivi li dal-gvern qiegħed jagħmel fid-drittijiet umani b'liġijiet li jagħtu drittijiet ċivili lil persuni LGBTIQ biex jgħixu ħajjithom b'dinjità u mingħajr diskriminazzjoni," qalet is-Segretarju Parlamentari Buttigieg,

Waqt li rrimarkat li dan huwa rekord bla preċedent għal pajjiżna, is-Segretarju Parlamentari qalet li dan l-unur għandu jkun ċelebrazzjoni għal valuri li jiddistingwu lill-poplu Malti li kien kapaċi jegħleb il-preġudizzji tal-passat u jaċċetta l-inklussività u l-ugwaljanza.

Is-Segretarju Parlamentari Buttigieg żiedet tgħid li dan ma kienx ikun possibbli mingħajr l-impenn u dedikazzjoni kontinwa ta' bosta individwi u għaqdiet li ħadmu u stinkaw favur id-drittijiet tal-persuni LGBTIQ+ hekk li llum Malta hija ta' eżempju u mudell għall-pajjiżi li qegħdin jimplimentaw riformi simili.

Waqt li raddet ħajr lil dawn l-individwi u organizzazzjonijiet għall-ħidma tagħhom, ħeġġet biex Malta ma treġġax l-arloġġ lura f'dan il-qasam waqt li tenniet l-impenn tal-Gvern biex dawn id-drittijiet umani jkomplu jissaħħu f'Malta u f'pajjiżi oħrajn.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow