Left arrow Go Back

STQARRIJA MILL-MINISTERU GĦALL-ARTIJIET U L-IMPLIMENTAZZJONI TAL-PROGRAMM ELETTORALI Avviż Legali dwar ir-Reġistrazzjoni ta’ Artijiet - AVVIŻ LEGALI NRU. 111 TAL-2024

pr240799
Date Icon 10/05/2024

Skont l-Att dwar ir-Reġistrazzjoni tal-Artijiet, f’Malta u Għawdex għandna dawk li huma magħrufa bħala Arei ta’ Reġistrazzjoni. Dawn l-Arei ta’ Reġistrazzjoni jinkludu, kull żona fil-Gżejjer Maltin iddikjarata mill-ministru responsabbli mill-artijiet bħala tali u kull żona oħra li jew ġiet reġistrata permezz ta’ xi ordni jew liġi oħra, jew li tkun ġiet irreġistrata mir-Reġistratur tal-Artijiet. L-Att Dwar ir-Reġistrazzjoni ta’ Artijiet jobbliga li kull trasferiment li jseħħ fuq propjetà li tinsab f’dawn iż-żoni għandu jkun irreġistrat fir-Reġistru ta’ l-Artijiet.  

L-għan ewlieni ta’ dan l-avviż legali huwa li jikkjarifika b’mod ċar l-interpretazzjoni  tal-Artiklu 10(2) fl-Att Dwar ir-Reġistrazzjoni ta’ Artijiet, Kapitlu 296.

Għal tul ta’ żmien, l-Artiklu 10 kien jiġi interpretat li hu applikabbli skont it-tip ta’ titlu li jkun irreġistrat, jiġifieri, jekk il-Gvern jew l-Uffiċċju Konġunt ikunx irreġistra d-Dirett Dominju allura l-obbligu ta’ reġistrazzjoni kien biss meta jkun hemm trasferiment tad-Dirett Dominju. (Dirett Dominju huwa is-sid taċ-ċens filwaqt li l-Utili Dominju huwa dak li huwa obbligat iħallas iċ-Ċens).

L-Avviż Legali qiegħed jikkjarifika u jagħmilha ċara li meta ssir talba għar-reġistrazzjoni ta’ kwalunkwe titlu (sew jekk Dirett Dominju sew jekk Utili Dominju) fuq żona jew propjetà li sa dakinhar ma tkunx taqa’ f’Area ta’ Reġistrazzjoni u din tkun aċċettata mir-Reġistratur, din ir-reġistrazzjoni awtomatikament ser twassal il-propjetà rreġistrata għal waħda ta’ Area ta’ Reġistrazzjoni Obbligatorja anke meta jkun hemm trasferiment tal-Utili Dominju.

Inħasset il-ħtieġa li dak li kien prassi sa mill-31 ta’ Marzu 2022, issa permezz ta’ dan l-avviż legali qiegħda tkun ikkjarifikata l-pożizzjoni legali f’dawn iċ-ċirkustanzi.

Għalhekk dan l-avviż legali qed jistabbilixxi li kwalunkwe proprjetà li sal-31 Marzu 2022 kienet tinsab ’il barra minn żona ta’ Reġistrazzjoni Obbligatorja iżda kienet reġistrata bi kwalunkwe titlu fir-Reġistru tal-Artijiet allura dik għandha titqies li hi Area ta’ Registrazzjoni Obbligatorja bl-obbligu ta’ reġistrazzjoni b’effett mill-31 ta’ Marzu 2022. Kull kuntratt li jkun sar qabel il-31 ta’ Marzu 2022 jista’ jidħol b’mod volontarju hekk kif dejjem sar.

Regoli 4 (1) u 4 (2) tal-Avviż Legali jipprovdu kjarezza għal meta r-Reġistratur tal-Artijiet għandu jikkunsidra li jilqa’ reġistrazzjoni b’mod volontarju mingħajr il-bżonn li jagħti l-kunsens tiegħu minn qabel. Dawn huma:

a. F’każ li t-talba ta’ reġistrazzjoni tolqot parti minn proprjetà li hija meqjusa unità waħda li ma taqax f’area ta’ Reġistrazzjoni Obbligatorja, għandha tiġi kkunsidrata għar-reġistrazzjoni volontarja.

b. F’każ li t-talba ta’ reġistrazzjoni tolqot propwrjetà li ma taqax f’area ta’ reġistrazzjoni iżda tgawdi drittijiet komuni li huma rreġistrati ma’ propjetà ta’ terzi, għandha tiġi kkunsidrata għar-reġistrazzjoni volontarja. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow