Left arrow Go Back

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI €1.8 miljun f’għajnuna lir-raħħala biex tagħmel tajjeb għaż-żieda fil-prezz tal-għalf

pr240788
Date Icon 09/05/2024

Il-Ministru għall-Agrikoltura, is-Sajd u d-Drittijiet tal-Annimali Anton Refalo nieda skema finanzjarja b'allokazzjoni ta' €1.8 miljun sabiex il-Gvern jagħmel tajjeb għall-effetti taż-żieda fil-prezz tal-għalf li impattat lir-raħħala Maltin u Għawdxin minħabba l-kunflitt fl-Ukrajna.

F'konferenza tal-aħbarijiet, il-Ministru Refalo spjega kif din l-għajnuna finanzjarja hija immirata lejn is-setturi tal-annimali tal-produzzjoni tal-ħalib, taċ-ċanga, tan-nagħaġ, kif ukoll tas-settur tal-mogħoż.

“Minn mindu x-xena internazzjonali bdiet iġġib piżijiet mhux mistennija fuq ir-raħħala, dan il-Gvern minnufih beda jiżviluppa miżuri, inizjattivi u skemi finanzjarji sabiex iservi ta' spalla għalihom sabiex ma jġorrux il-piżijiet waħedhom. Dak li qed inħabbru llum huwa xhieda oħra ta' dan fejn lir-raħħala Maltin u Għawdxin qed intaffulhom miż-żieda fil-prezz tal-għalf. Dan huwa Gvern tan-nies, Gvern li jwettaq dak li jwiegħed," żied jgħid il-Ministru Anton Refalo.

Ġie spjegat ukoll li l-Ministeru wettaq analiżi dwar l-impatt tal-prezzijiet dejjem jogħlew tal-għalf fuq is-settur tal-annimali. Bejn l-2021 u l-2022, il-prezz tat-tiben żdied b'36% filwaqt li l-prezz tal-ħuxlief niexef għola b'41%. Fl-2023, il-prezzijiet komplew jiżdiedu, b'9% żieda fit-tiben u 2% żieda għall-ħuxlief niexef. Għaldaqstant, l-Aġenzija għall-Pagamenti Agrikoli u Rurali (ARPA) fi ħdan il-Ministeru żviluppat din l-iskema minn fondi nazzjonali, sabiex tipprovdi għajnuna finanzjarja lir-raħħala Maltin u Għawdxin.

Id-Direttur Ġenerali tal-ARPA Louisa Formosa, spjegat kif ir-raħħala eliġibbli fi ħdan is-setturi msemmija se jkunu jistgħu jibbenefikaw minn pagamenti diretti abbażi tan-numru ta' annimali eliġibbli li għandhom. “Din l-għajnuna finanzjarja għandha l-għan li tnaqqas il-piż finanzjarju minn fuq ir-raħħala biex tiġi żgurata l-prosperità kontinwa tat-trobbija tal-annimali f'Malta u Għawdex."

Għal aktar informazzjoni wieħed jista' jċempel lill-ARPA fuq 22926148 jew jibgħat email fuq arpa.mafa@gov.mt. Aktar dettalji dwar din l-iskema jistgħu jiġu aċċessati mil-linji gwida dettaljati li jinsabu fuq is-sit www.arpa.gov.mt.

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI €1.8 miljun f’għajnuna lir-raħħala biex tagħmel tajjeb għaż-żieda fil-prezz tal-għalf
STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI €1.8 miljun f’għajnuna lir-raħħala biex tagħmel tajjeb għaż-żieda fil-prezz tal-għalf
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow