Left arrow Go Back

STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza

PR240757
Date Icon 04/05/2024

F’għeluq l-ewwel xahar tagħha fil-kariga ta’ President ta’ Malta, il-President Myriam Spiteri Debono żaret Għawdex. 

Iż-żjara uffiċjali f’Għawdex bdiet b’quddiesa fil-Bażilika tal-Madonna ta’ Pinu, l-Għarb. Il-quddiesa ġiet iċċelebrata mill-Isqof ta’ Għawdex, il-Mons. Anton Teuma. Waqt l-omelija, l-Isqof Teuma appella biex f’dan il-mument, il-poplu Malti u Għawdxi jingħaqad flimkien biex jimxi ’l quddiem fil-ħajja soċjali, politika, umana u Kristjana tiegħu. 

Iż-żjara f’Għawdex kompliet b’ċerimonja ta’ tqegħid ta’ fjuri mal-monument li jfakkar lill-Għawdxin li tilfu ħajjithom waqt it-Tieni Gwerra Dinjija fi Pjazza Indipendenza, fir-Rabat. Hawnhekk hija sellmet lill-membri tal-grupp tal-Iscouts kif ukoll lill-pubbliku preżenti.

Il-President Spiteri Debono żaret il-Banca Giuratale fejn iffirmat il-ktieb tal-viżitaturi. Wara żaret iċ-Ċittadella fejn hemmhekk ukoll kompliet tiltaqa’ ma’ bosta persuni. 

Iż-żjara tal-President f’Għawdex kompliet waranofsinhar bi żjara fiċ-ċentru kulturali taċ-Ċittadella li matulha kellha laqgħa mal-Ministru għal Għawdex, Clint Camilleri. 

Wara, il-President ta’ Malta żaret il-Kurja f’Għawdex fejn intlaqgħet mill-Isqof ta’ Għawdex, Mons. Anton Teuma. 

L-aħħar waqfa fil-gżira Għawdxija kienet fl-Isptar Ġenerali ta’ Għawdex fejn, akkumpanjata mill-Ministru għas-Saħħa, Jo Etienne Abela, żaret it-taqsima tal-maternità kif ukoll id-Dipartiment tal-MRI. F’kelmtejn, il-President irringrazzjat lill-ħaddiema kollha tal-impenn u d-dedikazzjoni tagħhom b’risq dawk fil-bżonn.

STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza
STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza
STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza
STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza
STQARRIJA MILL-UFFIĊĊJU TAL-PRESIDENT: Il-President bl-ewwel żjara uffiċjali f’Għawdex f’għeluq l-ewwel xahar tagħha fil-presidenza
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow