Left arrow Go Back

STQARRIJA MIS-SEGRETARJAT PARLAMENTARI GĦAD-DJALOGU SOĊJALI Tnieda portal ġdid fejn l-aġenziji tax-xogħol jistgħu jirreġistraw l-operat tagħhom u japplikaw għal-liċenzja online

PR240650
Date Icon 23/04/2024

Tnieda portal li se jippermetti lit-temping agencies biex jirreġistraw l-operat tagħhom u japplikaw għal-liċenzja online. Dan tħabbar mis-Segretarju Parlamentari għad-Djalogu Soċjali Andy Ellul, meta indirizza laqgħa oħra ta' informazzjoni għall-operaturi tal-aġenziji tax-xogħol.

Is-Segretarju Parlamentari Ellul sostna li l-proċess tar-reġistrazzjoni għat-temping agencies issa se jkun aktar effiċjenti u konvenjenti. Dan il-portal se jgħin ukoll lid-Dipartiment tar-Relazzjonijiet Industrijali u tal-Impjiegi (DIER) fl-amministrazzjoni tal-liġijiet, li tħabbru f'Novembru li għadda u li issa daħlu fis-seħħ.

Is-Segretarju Parlamentari Andy Ellul ħabbar li s'issa applikaw 42 aġenzija tax-xogħol għall-ħruġ ta' liċenzja biex ikunu konformi mal-liġijiet u appella lil dawk l-aġenziji li għadhom ma applikawx biex japplikaw online permezz ta' din il-portal.

Huwa sostna li l-proċess fit-tfassil ta' dawn il-liġijiet sar b'enfasi fuq id-djalogu u t-trasparenza u semma kif sabu kollaborazzjoni kemm mill-aġenziji tax-xogħol kif ukoll mill-imsieħba soċjali. “Sibna rieda tajba mill-operaturi għaliex irrikonoxxew l-importanza ta' din il-liġi, mhux biss biex nissalvagwardjaw id-drittijiet tal-ħaddiema iżda wkoll għall-professjonalità u s-suċċessi tal-operaturi," tenna Dr Ellul.

Is-Segretarju Parlamentari nnota wkoll l-importanza tas-servizz ta' dawn l-aġenziji tax-xogħol, hekk kif huma essenzjali għal bosta oqsma tal-ekonomija ta' pajjiżna. “Issa se jkollna viżibilità ċara tas-settur u se nkunu qed nassiguraw li dawk il-ħaddiema li jiġu f'pajjiżna verament ikun hawn bżonnhom fis-suq tax-xogħol u jiġu biss dawk li jkollhom il-ħiliet neċessarji," temm jgħid is-Segretarju Parlamentari Ellul hu u jfakkar li mill-bidu ta' Ġunju se jibda l-infurzar.

Preżenti għal din il-laqgħa ta' informazzjoni kien hemm id-Direttur Ġenerali tad-DIER, Diane Vella Muscat.

Wieħed jista' jaċċessa l-portal il-ġdid fuq: https://employmentagencies.gov.mt/#/en/home.

STQARRIJA MIS-SEGRETARJAT PARLAMENTARI GĦAD-DJALOGU SOĊJALI Tnieda portal ġdid fejn l-aġenziji tax-xogħol jistgħu jirreġistraw l-operat tagħhom u japplikaw għal-liċenzja online
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow