Left arrow Go Back

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Malta tindirizza l-assemblea ġenerali tal-Aġenzija Internazzjonali tal-Enerġija Rinnovabbli

PR240630
Date Icon 19/04/2024

Malta kienet fost il-144 pajjiż li tul din il-ġimgħa pparteċipaw fl-assemblea ġenerali tal- Aġenzija Internazzjonali tal-Enerġija Rinnovabbli (IRENA), li ltaqgħet f’Abu Dhabi. Waqt din l-14-il sessjoni, il-Ministru għall-Ambjent, l-Enerġija u r-Riġenerazzjoni tal-Port il-Kbir, Miriam Dalli, għaddiet messaġġ b’saħħtu favur l-użu tal-enerġija rinnovabbli u l-importanza li din it-tranżizzjoni tadotta politika b’saħħitha favur il-ħiliet u t-taħriġ tal-ħaddiema.

Tul din l-assemblea ħadu sehem aktar minn 1,300 parteċipant minn madwar id-dinja. Il-Ministru Miriam Dalli tkellmet dwar l-importanza li pajjiżi b’realtajiet differenti jaqsmu l-aħjar prattiċi biex b’hekk jinstabu soluzzjonijiet innovattivi.

“Malta hija impenjata biex tavvanza l-użu tal-enerġija rinnovabbli għal futur aktar nadif u ekoloġiku. Din hija l-ambizzjoni tagħna u bħala pajjiż se nkomplu naħdmu f’din id-direzzjoni filwaqt li nikkontribwixxu għad-djalogu globali dwar l-enerġija rinnovabbli,” spjegat il-Ministru Dalli.

Fl-indirizz tagħha, il-Ministru tenniet li fl-aħħar snin Malta adottat inizjattivi sinifikanti biex tkun aktar sostenibbli, u spjegat kif il-pajjiż irreġistra tnaqqis sinifikanti tal-emissjonijiet tal-gassijiet serra fis-settur tal-enerġija bi kważi 60%. Spjegat li dan is-suċċess kien riżultat tal-bidla li l-pajjiż għamel meta qaleb mill-heavy fuel oil għal sorsi ta’ enerġija aktar nodfa. Il-Ministru Dalli spjegat ukoll li Malta qed tħares lejn l-investiment fl-enerġija nadifa kemm fuq l-art, kif ukoll fuq il-baħar. 

Il-Ministru Miriam Dalli rrikonoxxiet l-importanza tal-kollaborazzjoni u l-iskambju ta’ informazzjoni u kompetenzi f’dawn l-oqsma. Fil-fatt, Malta ntalbet biex tingħaqad fl-inizjattiva SIDS Lighthouse, biex stati b’ċirkostanzi simili jaqsmu mhux biss l-għarfien imma jkun t’appoġġ f’oqsma bħalma huma s-sigurtà tal-enerġija, l-affordabbiltà, u jaċċelleraw it-tranżizzjoni lejn l-enerġija rinnovabbli. 

Il-Ministru kkonkludiet l-intervent tagħha billi saħqet li Malta qed tkun proattiva sabiex tagħti sehem tagħha favur l-azzjoni klimatika. “Inħarsu ’l quddiem biex nwaqqfu l-ewwel awtorità fl-Ewropa li se tkun iffukata fuq l-azzjoni dwar il-klima. Malta se tkompli ssaħħaħ l-impenn tagħha għal futur aktar sostenibbli”.

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Malta tindirizza l-assemblea ġenerali tal-Aġenzija Internazzjonali tal-Enerġija Rinnovabbli
STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Malta tindirizza l-assemblea ġenerali tal-Aġenzija Internazzjonali tal-Enerġija Rinnovabbli
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow