Left arrow Go Back

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Iċ-Chair-in-Office tal-OSCE u l-Ministru għall-Affarijiet Barranin Ian Borg fi żjara fis-Serbja

pr240559
Date Icon 11/04/2024

Il-Ministru Borg ltaqa' mal-President tas-Serbja Aleksandar Vučić u uffiċjali għolja oħra tal-Gvern

“Il-Presidenza Maltija tal-OSCE se tkompli tenfasizza d-djalogu f'kull reġjun, għaliex nemmnu li dan huwa l-uniku mod kif nistgħu nindirizzaw l-isfidi attwali b'mod effettiv, sabiex inkomplu niżguraw u nsaħħu l-paċi u s-sigurtà." Dan qalu ċ-Chair-in-Office tal-OSCE u l-Ministru għall-Affarijiet Barranin u Ewropej u l-Kummerċ Ian Borg waqt żjara fis-Serbja.

Il-Ministru Borg faħħar il-kisbiet tal-Missjoni tal-OSCE għas-Serbja waqt laqgħa mal-President tas-Serbja Aleksandar Vučić, fi tmiem taż-żjara uffiċjali tiegħu tal-OSCE f'Belgrad, ilbieraħ l-Erbgħa filgħaxija. Il-Ministru Borg kellu wkoll taħditiet mal-Ispeaker tal-Assemblea Nazzjonali Ana Brnabić, mal-Ministru Miloš Vučević, li għadu kif ġie magħżul biex iservi bħala Prim Ministru, u d-Deputat Prim Ministru u Ministru għall-Affarijiet Barranin Ivica Dačić.

L-Organizzazzjoni għas-Sigurtà u l-Kooperazzjoni fl-Ewropa (OSCE) u s-Serbja qed jaħdmu flimkien fuq diversi impenji importanti f'oqsma kritiċi, bħall-istat tad-dritt, id-drittijiet tal-bniedem, id-demokratizzazzjoni u l-libertà tal-midja.

“Ninsabu kuntenti ħafna bil-progress li sar matul is-snin, u napprezzaw l-isforzi kontinwi tas-Serbja biex timplimenta bosta riformi importanti, bħar-riformi li jindirizzaw ir-rakkomandazzjonijiet li jsiru mill-Uffiċċju għall-Istituzzjonijiet Demokratiċi u d-Drittijiet tal-Bniedem (ODIHR) tal-OSCE sabiex jissaħħaħ il-proċess elettorali tal-pajjiż ," qal iċ-Chair-in-Office Borg.

“L-OSCE tibqa' forum ewlieni għad-diskussjoni u azzjoni dwar kwistjonijiet importanti ta' tħassib komuni – pjattaforma importanti għal impenn sinifikanti fost is-57 Stat parteċipanti tagħha. Fiż-żmien tal-lum, il-ħtieġa għal fora bħal OSCE hija indispensabbli," temm jgħid il-Ministru Borg.

Matul iż-żjara tiegħu fuq ġurnata, il-Ministru Borg u d-delegazzjoni taċ-Chair-in-Office tal-OSCE ltaqgħu ma' organizzazzjonijiet appoġġjati mill-Missjoni tal-OSCE fis-Serbja, inklużi assoċjazzjonijiet tal-midja u tal-ġurnalisti, organizzazzjonijiet taż-żgħażagħ, u klinika tal-liġi ambjentali li qed tipprovdi lill-istudenti tal-liġi anzjani b' taħriġ speċjalizzat dwar il-leġiżlazzjoni ambjentali.

Il-Ministru Borg żar ukoll drop-in shelter li jgħin lil tfal u żgħażagħ. Dan iċ-Ċentru jaħdem mal-Missjoni tal-OSCE fuq programm ta' edukazzjoni inklużiva għal tfal u żgħażagħ Roma, sabiex jgħinhom jibqgħu fl-edukazzjoni.

L-Ambaxxatur Malti għar-Repubblika Federali tal-Awstrija u Rappreżentant Permanenti ta' Malta għall-OSCE Natasha Meli Daudey, il-Kap tal-Missjoni tal-OSCE għas-Serbja l-Ambaxxatur Jan Braathu u uffiċjali oħra tal-OSCE u tal-Ministeru għall-Affarijiet Barranin akkumpanjaw liċ-Chair-in-Office Borg ġewwa s-Serbja.

Malta bdiet it-12-il xahar tal-Presidenza tagħha tal-OSCE f'Jannar, bit-tema “Insaħħu r-Reżiljenza, Intejbu s-Sigurtà", wara li ntgħażlet biex tmexxi din l-organizzazzjoni għall-ewwel darba fl-istorja tagħha, f'Novembru tal-2023.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Iċ-Chair-in-Office tal-OSCE u l-Ministru għall-Affarijiet Barranin Ian Borg fi żjara fis-Serbja
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Iċ-Chair-in-Office tal-OSCE u l-Ministru għall-Affarijiet Barranin Ian Borg fi żjara fis-Serbja
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Iċ-Chair-in-Office tal-OSCE u l-Ministru għall-Affarijiet Barranin Ian Borg fi żjara fis-Serbja
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Iċ-Chair-in-Office tal-OSCE u l-Ministru għall-Affarijiet Barranin Ian Borg fi żjara fis-Serbja
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow