Left arrow Go Back

STQARRIJA MIS-SEGRETARJAT PARLAMENTARI GĦALL-ANZJANITÀ ATTIVA Ftuħ mill-ġdid taċ-Ċentru għall-Anzjanità Attiva fil-Mosta

pr240508
Date Icon 28/03/2024

Is-Segretarju Parlamentari għall-Anzjanità Attiva Malcolm Paul Agius Galea inawgura l-proġett ta' rinnovazzjoni taċ-Ċentru għall-Anzjanità Attiva fil-Mosta. Dan il-proġett ta' tisbiħ u modernizzar kien immirat lejn it-titjib tal-faċilitajiet għall-anzjani residenti fil-lokal u l-membri li jattendu f'dan iċ-ċentru regolarment. 

Dan ix-xogħol ta' tisbiħ kien jikkonsisti fi kmamar tal-banju ġodda, titjib fis-sistemi tad-dawl u l-ilma, għamara ġdida, tibjid, u t-tibdil tal-madum.

Dan il-proġett, li twettaq mill-ħaddiema fi ħdan l-Anzjanità Attiva u Kura fil-Komunità, huwa pass importanti sabiex l-anzjani jkollhom aċċess għal ambjent ta' kwalità għolja. Dan iċ-Ċentru fil-Mosta, issa se jkompli joffri varjetà wiesgħa ta' attivitajiet immexxija minn għalliema, mill-impjegati, u mill-anzjani nfushom. Iċ-ċentru joffri wkoll spazju fejn l-anzjani jiltaqgħu u jgawdu l-kumpanija ta' xulxin, bil-għan li tonqos is-solitudni.

Is-segretarju parlamentari esprima s-sodisfazzjon tiegħu għal dan il-proġett li jirrifletti l-impenn kontinwu tal-gvern biex jipprovdi spazji aktar attraenti u aċċessibbli għall-anzjani. “Dan iċ-ċentru, li issa jilqa' fih aktar minn 40 persuna, sar post fejn l-anzjani mhux biss se jgawdu minn ambjent sabiħ, imma wkoll jieħdu pjaċir jattendu l-attivitajiet offruti. Inħarsu 'l quddiem sabiex b'aktar servizzi u ċentri madwar il-pajjiż, in-numru attwali ta' 2400 anzjan li jużaw iċ-Ċentri għall-Anzjanità Attiva, jkompli jikber," tenna s-segretarju parlamentari. 

Għal iktar informazzjoni dwar iċ-Ċentri għall-Anzjanità Attiva u s-servizzi li toffri l-Anzjanità Attiva u Kura fil-Komunità, il-pubbliku huwa mħeġġeġ jikkuntattja ċ-Ċentru Servizz Anzjan fuq 22788900, iżur l-uffiċini li jinsabu 3, Triq Żekka, il-Belt, jew iżur is-sit elettroniku aacc.gov.mt.

STQARRIJA MIS-SEGRETARJAT PARLAMENTARI GĦALL-ANZJANITÀ ATTIVA Ftuħ mill-ġdid taċ-Ċentru għall-Anzjanità Attiva fil-Mosta
STQARRIJA MIS-SEGRETARJAT PARLAMENTARI GĦALL-ANZJANITÀ ATTIVA Ftuħ mill-ġdid taċ-Ċentru għall-Anzjanità Attiva fil-Mosta
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow