Left arrow Go Back

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL U L-MINISTERU GĦAT-TURIŻMU U L-INDAFA PUBBLIKA Imnedija skills pass għall-ħaddiema fl-industrija tat-turiżmu u l-ospitalità

pr240477
Date Icon 25/03/2024

Wara konsultazzjoni ma' diversi stakeholders fil-qasam tat-turiżmu u l-ospitalità, ser tidħol fis-seħħ il-miżura fejn ħaddiema fl-industrija tat-turiżmu u l-ospitalità f'Malta jrid jkun akkreditat permezz ta' Skills Pass, u ħaddiema barranin ikunu jistgħu jaħdmu f'pajjiżna biss f'dan is-settur, jekk ikollhom Skills Pass.

Biex tingħata dan l-iSkills Pass, ħaddiema barranin ġejjin minn pajjiżi terzi jridu jagħmlu numru ta' korsijiet f'pajjiżhom stess li jinkludu għarfien dwar il-lingwa Ingliża, l-għoti ta' servizz bażiku lill-klijent, tagħlim dwar il-prodott turistiku Malti u kors ieħor relatat ma' Ingliż bażiku fl-industrija tal-ospitalità.

Il-ħruġ ta' din l-iSkills Pass ser issir mill-Istitut għall-Istudji Turistiċi b'kollaborazzjoni mal-aġenzija Identità. Mingħajr l-iSkills Pass imsemmi, ċittadini minn pajjiżi terzi mhux ser ikunu jistgħu japplikaw għas-single work permit li toħroġ l-aġenzija Identità.

Ċittadini minn pajjiżi terzi li jkunu għadhom ma bdewx jaħdmu fi stabbiliment tat-turiżmu jew ospitalità ser jeħtieġu Skills Pass fi żmien xahrejn minn meta dawn ir-regolamenti se jidħlu fis-seħħ.

Minn Jannar 2025 ir-regolamenti tal-iSkills Pass ser japplikaw għal dawk il-persuni li diġà qegħdin f'pajjiżna biex dawn tal-aħħar ikollhom jagħmlu dawn il-korsijiet qabel ma jiġi mġedded is-single work permit.

Minn Jannar ta' sentejn oħra, ir-regolamenti tal-iSkills Pass ser jibdew japplikaw għall-ċittadini li ġejjin minn pajjiżi tal-Unjoni Ewropea.

Dawn id-dettalji tħabbru f'konferenza tal-aħbarijiet indirizzata mill-Ministru għall-Intern, is-Sigurtà u x-Xogħol Byron Camilleri u l-Ministru għat-Turiżmu u l-Indafa Pubblika Clayton Bartolo fil-preżenza tat-tmexxija tal-Istitut għall-Istudji Turistiċi, l-aġenzija Identità, imsieħba soċjali u mistednin distinta marbutin mal-industrija tat-turiżmu.

Il-Ministru Byron Camilleri sejjaħ l-iSkills Pass bħala waħda mill-miżuri immirati kemm biex jaqtgħu l-abbuż tal-ħaddiema u anke biex f'pajjiżna jkun hemm għarbiel biex jiżgura li jiġu jaħdmu biss ħaddiema ta' kwalità li jagħtu kontribut fl-espansjoni ekonomika u fis-suq tax-xogħol ta' pajjiżna. Mingħajr l-iSkills Pass ċittadini minn pajjiżi terzi mhux se jingħataw permess tax-xogħol mill-aġenzija Identità. Minn Jannar li ġej dawk il-ħaddiema li diġà qed jaħdmu Malta bis-single work permit u jridu jġedduh jridu jiksbu l-iSkills Pass. “Mhux qed nieqfu mal-proċess tal-iSkills Card, iżda permezz tal-ħruġ tal-viża, jew mat-tiġdid tagħha minn Identità, se nkunu qed inħajru dawn il-ħaddiema jkomplu jitħarrġu u jiksbu snajja' aktar mirquma b'rabta max-xogħol li jagħmlu," qal il-Ministru Camilleri.

Il-Ministru Camilleri qal li dak li qed isir fil-qasam tat-turiżmu ser iservi ta' mudell għal setturi oħra fil-qasam tax-xogħol f'pajjiżna. Il-Gvern jifhem li l-kumpaniji Maltin għandhom bżonn ħaddiema li xi drabi ma jkunux aċċessibbli fis-suq lokali u se jaħdem biex dawn ikunu aċċessibbli, bil-kundizzjoni li jkunu ta' kwalità.

Il-Ministru Clayton Bartolo rrimarka kif l-integrazzjoni tal-iSkills Pass fl-industrija tal-ospitalità hija opportunità. “Jekk irridu naraw aktar kwalità fil-prodott turistiku, irridu naraw li l-frontliners tagħna f'din l-industrija jkollhom l-abbiltajiet neċessarji li permezz tagħhom jagħmlu d-differenza fl-esperjenza kemm tat-turist iżda wkoll tal-Maltin u l-Għawdxin. Ninsab ottimist li ftit tax-xhur oħra nibdew naraw servizz aħjar. Nifhmu li għandna riforma ambizzjuża quddiemna. Nifhmu wkoll li ser insibu sfidi. Iżda l-għażla li nħallu kollox kif inhu, qatt ma kienet fuq l-aġenda tagħna. L-industrija tat-turiżmu għandha futur quddiemha. Għalhekk, fil-preżent irridu nieħdu ħsieb li nkunu preparati għal futur li jkun magħmul minn industrija tat-turiżmu li toffri kwalità ogħla fuq kull livell matul is-sena kollha," saħaq il-Ministru Clayton Bartolo.

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL U L-MINISTERU GĦAT-TURIŻMU U L-INDAFA PUBBLIKA Imnedija skills pass għall-ħaddiema fl-industrija tat-turiżmu u l-ospitalità
STQARRIJA MILL-MINISTERU GĦALL-INTERN, IS-SIGURTÀ U X-XOGĦOL U L-MINISTERU GĦAT-TURIŻMU U L-INDAFA PUBBLIKA Imnedija skills pass għall-ħaddiema fl-industrija tat-turiżmu u l-ospitalità
STQARRIJA MILL-MINISTERU GĦALL-INTERN, IS-SIGURTÀ U X-XOGĦOL U L-MINISTERU GĦAT-TURIŻMU U L-INDAFA PUBBLIKA Imnedija skills pass għall-ħaddiema fl-industrija tat-turiżmu u l-ospitalità
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow