Left arrow Go Back

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Beda x-xogħol preparatorju biex erba’ siti f’żoni tal-iżvilupp jinbidlu fi spazji miftuħa għall-pubbliku

pr240456
Date Icon 21/03/2024

30 tunnellata ta' skart goff miġbura mill-erba' siti f'tindif li wettqet Project Green

Project Green ġabret xejn anqas minn 30 tunnellata ta' skart goff minn erba' siti differenti li qabel kienu allokati għal żvilupp u issa se  jinbidlu fi spazji miftuħa għal kulħadd. Il-materjal li nġabar ivarja minn skart ta' kostruzzjoni, għal skart tal-plastik u biċċiet tal-għamara fost oħrajn, li ħafna minnhom setgħu faċilment ittieħdu f'ċentri għall-iskart goff jew mormija permezz tas-servizzi offruti mill-Kunsilli Lokali, minflok intremgħu illegalment.

Il-Ministru għall-Ambjent, l-Enerġija u r-Riġenerazzjoni tal-Port il-Kbir Miriam Dalli żaret lill-ħaddiema ta' Project Green li bħalissa qed ilestu dawn is-siti f'Ħal Lija, Ħal Luqa, Ta' Ġiorni f'San Ġiljan u Ħal Kirkop, bi preparazzjoni għat-trasformazzjoni ta' dawn is-siti fi spazji pubbliċi. B'kollox, Project Green se tirriġenera 8,000 metru kwadru t'art f'żoni residenzjali li qabel kienu immarkati għall-iżvilupp.

Waqt iż-żjara, il-Ministru Miriam Dalli rringrazzjat lill-ħaddiema għax-xogħol li qed jagħmlu biex fl-iqsar żmien possibbli, Project Green tellqet il-proċess fuq dawn l-erba' spazji. Il-Perit Beverly Costa, Chief Operations Officer tal-Aġenzija, spjegat kif l-aġenzija qed taħdem fuq id-disinji tas-siti ħalli jiġu ppreżentati lill-Awtorità tal-Ippjanar. Id-disinji tas-siti se jkunu wkoll ippreżentati lill-Kunsilli Lokali rispettivi għal aktar konsultazzjoni.

“Dawn is-siti se jkunu qed joffru spazju mħaddar ġdid ftit passi mid-djar ta' madwar 7,000 familja. Fuq art fejn il-pjan lokali jippermetti li jinbnew madwar 30 blokka t'appartamenti, se nkunu qed niżviluppaw spazji siguri għan-nies u nħaddruhom b'siġar u pjanti oħra indiġeni. Inħares 'il quddiem biex ix-xogħol ikompli miexi kemm fuq dawn is-siti kif ukoll fuq l-ispazji l-oħra li Project Green qed taħdem fuqhom," qalet il-Ministru Miriam Dalli.  

“L-involviment tal-Kunsilli Lokali u li nifhmu l-ħtiġijiet tal-pubbliku huma ta' importanza kbira fl-isforzi tagħna," saħqet il-Perit Beverly Costa. “Aħna impenjati li nittrasformaw dawn is-siti fi spazji pubbliċi li jimxu max-xewqat tal-komunità, filwaqt li ntejbu l-kwalità tal-ħajja tagħhom."

STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Beda x-xogħol preparatorju biex erba’ siti f’żoni tal-iżvilupp jinbidlu fi spazji miftuħa għall-pubbliku
STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Beda x-xogħol preparatorju biex erba’ siti f’żoni tal-iżvilupp jinbidlu fi spazji miftuħa għall-pubbliku
STQARRIJA MILL-MINISTERU GĦALL-AMBJENT, L-ENERĠIJA U R-RIĠENERAZZJONI TAL-PORT IL-KBIR: Beda x-xogħol preparatorju biex erba’ siti f’żoni tal-iżvilupp jinbidlu fi spazji miftuħa għall-pubbliku
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow