Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI Ftehim kollettiv ġdid li se joffri kundizzjonijiet aħjar lill-ħaddiema tas-Servizzi tat-Traffiku tal-Bastimenti fi Transport Malta

pr240453
Date Icon 21/03/2024

Il-Ministru għat-Trasport, Infrastruttura u Xogħlijiet Pubbliċi Chris Bonett ippreseda fl-iffirmar ta' ftehim kollettiv bejn il-ħaddiema tal-Vessel Traffic Services (VTS) fi ħdan Transport Malta u l-General Workers' Union. Il-ftehim, milħuq permezz ta' negozjati kostruttivi, se jkollu impatt pożittiv fuq ħaddiema u jiżgura kundizzjonijiet tax-xogħol aħjar u paga mtejba. Dan il-ftehim importanti jenfasizza l-impenn ta' Transport Malta li tiżgura ambjent ta' appoġġ għall-impjegati tagħha, filwaqt li tirrikonoxxi l-kontribuzzjonijiet imprezzabbli tagħhom għas-sikurezza u l-effiċjenza marittima.

Il-Ministru għat-Trasport, l-Infrastruttura u x-Xogħlijiet Pubbliċi Chris Bonett spjega li dan il-ftehim kollettiv ġdid jirrifletti d-dedikazzjoni ta' Transport Malta biex jipprijoritizza l-ġid tal-impjegati tal-Vessel Traffic Services. “Id-dedikazzjoni ta' dawn il-ħaddiema għandha rwol ċentrali fit-tħaddim tat-traffiku marittimu, u huwa xieraq li nipprovdulhom l-appoġġ u r-rikonoxximent meħtieġ li jixirqilhom," saħaq il-Ministru.

Il-Kap Eżekuttiv ta' Transport Malta, il-Kurunell Dr Mark Mallia, stqarr li, “Dan il-ftehim jimmarka pass sinifikanti 'l quddiem fit-titjib tal-kundizzjonijiet tax-xogħol u l-pakketti ta' remunerazzjoni għall-impjegati tagħna tal-VTS. Aħna impenjati li nikkultivaw relazzjoni tajba u ta' benefiċċju reċiproku mal-ħaddiema tagħna, u dan il-ftehim jenfasizza l-isforzi kontinwi tagħna f'dan ir-rigward. Nestendi l-apprezzament tiegħi lill-partijiet kollha involuti għall-ispirtu kollaborattiv tagħhom biex jintlaħaq dan il-ftehim."

Il-ftehim kollettiv il-ġdid mhux biss jissolidifika s-sħubija bejn Transport Malta u l-impjegati tagħha iżda wkoll jafferma mill-ġdid l-impenn tal-Awtorità li żżomm l-ogħla standards ta' sigurtà u effiċjenza fl-operazzjonijiet marittimi.

STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI Ftehim kollettiv ġdid li se joffri kundizzjonijiet aħjar lill-ħaddiema tas-Servizzi tat-Traffiku tal-Bastimenti fi Transport Malta
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow