Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Jiftħu l-applikazzjonijiet għal ‘Life is my Adventure’ – it-tema għal SkolaSajf 2024

pr240443
Date Icon 20/03/2024

L-applikazzjonijiet għall-edizzjoni ta' din is-sena ta' SkolaSajf fetħu llum 20 ta' Marzu. Dan tħabbar waqt żjara li l-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima għamel fiċ-Ċentru tar-Riżorsi San Miguel f'Pembroke, li matulha ngħataw dettalji dwar SkolaSajf 2024 u tnieda l-logo għal din is-sena.

It-tema għal SkolaSajf 2024 hija 'Life is my Adventure' u l-logo magħżul huwa mnebbaħ minn disinn ta' Scarlett Schembri li rebħet il-kompetizzjoni għad-disinn tal-logo għal din is-sena.

“SkolaSajf huwa servizz eċċellenti li mhux biss huwa parti mill-viżjoni u l-ħidma tagħna biex is-sistema edukattiva tirrifletti r-realtajiet u l-bżonnijiet tas-soċjetà li qed ngħixu fiha, imma servizz li permezz tiegħu nrawmu lit-tfal minn età żgħira permezz ta' tagħlim alternattiv li jgħinhom fil-ħajja futura tagħhom," qal il-Ministru Clifton Grima.

Din is-sena SkolaSajf se jingħata minn 55 ċentru madwar Malta u Għawdex bejn it-Tnejn u l-Ġimgħa, li jinkludu 5 Ċentri ta' Riżorsi u 5 ċentri f'Għawdex. Is-servizz jibda mill-10 ta' Lulju sad-9 ta' Awwissu u mid-19 ta' Awwissu sas-6 ta' Settembru. Filwaqt li l-ħinijiet ta' SkolaSajf huma bejn it-8:30 ta' filgħodu san-nofs siegħa, f'ċentri magħżula se jiġi estiż dan is-servizz għall-ġenituri li jaħdmu, mis-7:00 sat-8:30 ta' filgħodu u min-nofs siegħa sal-5:30 ta' wara nofsinhar.

Il-Ministru Grima ddeskriva dan is-servizz bħala wieħed ta' suċċess, bl-applikazzjonijiet qed jiżdiedu minn sena għal sena. Filwaqt li fl-2020 kien hemm 7,849 applikazzjoni, is-sena li għaddiet daħlu aktar minn 12,000 applikazzjoni.

Permezz ta' SkolaSajf, eluf ta' studenti qed jingħataw servizz estiż ta' edukazzjoni bit-tfal li jattendu jibbenefikaw minn programm ta' attivitajiet edukattivi informali li jinkludu ħarġiet u logħob sportiv, fost oħrajn.

L-entitajiet mis-settur pubbliku u privat li jikkontribwixxu għal SkolaSajf qed jikbru wkoll, fil-fatt is-sena li għaddiet kien hemm 71 entità li jinkludu wkoll kumpaniji privati u Organizzazzjonijiet Mhux Governattivi li pparteċipaw fi SkolaSajf.

Matul it-tnedija ta' dalgħodu, tlett itfal li ġew fl-ewwel 3 postijiet fil-kompetizzjoni għad-disinn tal-logo ta' din is-sena kienu ppreżentati b'premju ta' kotba mill-Ministru Clifton Grima.

L-applikazzjonijiet se jibdew jintlaqgħu online mil-lum 20 ta' Marzu sat-2 ta' Mejju fuq is-sit https://services.fes.gov.mt/, jew minn kull hub ta' servizz.gov.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Jiftħu l-applikazzjonijiet għal ‘Life is my Adventure’ – it-tema għal SkolaSajf 2024
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Jiftħu l-applikazzjonijiet għal ‘Life is my Adventure’ – it-tema għal SkolaSajf 2024
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Jiftħu l-applikazzjonijiet għal ‘Life is my Adventure’ – it-tema għal SkolaSajf 2024
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow