Left arrow Go Back

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Tisħiħ fl-operat tal-helpline 179

pr240121
Date Icon 29/01/2024

Il-helpline nazzjonali 179, li toffri appoġġ, informazzjoni dwar servizzi soċjali lokali u aġenziji oħra, u servizz ta' riferiment lil min iċempel u jeħtieġ aktar sostenn, kompliet issaħħaħ l-operat tagħha kif ukoll ir-riżorsi umani.

Fil-preżent, dan is-servizz, immexxi mill-Fondazzjoni għas-Servizzi ta' Ħarsien Soċjali (FSWS), huwa magħmul minn għoxrin ħaddiem, il-maġġoranza tagħhom operaturi tat-telefon aċċessibbli 24 siegħa kuljum, u tim ieħor ta' ħaddiema soċjali li jassisti kontinwament.

Dan is-supportline jirċievi telefonati dwar firxa vasta ta' sfidi, fosthom dwar sitwazzjonijiet ta' abbuż tat-tfal, vjolenza domestika, droga, alkoħol, problemi tal-logħob, persuni bla dar u traffikar uman, fost oħrajn.

Din l-informazzjoni ngħatat waqt żjara li saret lill-ħaddiema li joperaw dan is-servizz, mill-Ministru għall-Politika Soċjali u d-Drittijiet tat-Tfal, Michael Falzon.

Il-ministru qal li skont informazzjoni li nġabret fir-rapport ta' nofs is-sena 2023 (Jannar-Ġunju), kien hemm mas-7,800 telefonata u jirriżulta li l-aktar telefonati kienu b'rabta mas-solitudni.

“Qed noffru dan is-servizz mhux biex niġġudikaw, imma biex noffru tama, kuraġġ u anke sabiex nidentifikaw każijiet li jirrikjedu sapport fit-tul," stqarr il-Ministru Michael Falzon.

Min-naħa tiegħu, il-Kap Eżekuttiv tal-FSWS Alfred Grixti tkellem dwar it-taħriġ u s-sapport kontinwu li jingħata lill-operaturi tas-servizz, li anke jingħataw superviżjoni individwali, sessjonijiet fi gruppi u għandhom ukoll aċċess għal tim ta' social workers li huma disponibbli 24 siegħa kuljum.

Intant, it-telefonati kollha li jaslu fuq l-Emotional Support Helpline tal-Unjoni Ewropea 116 123, kif ukoll fuq iċ-Child Helpline 116 111, huma trattati wkoll mit-tim tas-servizz tal-helpline 179.

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Tisħiħ fl-operat tal-helpline 179
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow