Left arrow Go Back

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela jiltaqa’ mar-residenti tad-Dar tal-Providenza

PR240093
Date Icon 23/01/2024

It-Tlieta filgħodu, qabel ittellgħet il-laqgħa tal-Kabinett tal-Ministri fid-Dar tal-Providenza, il-Prim Ministru Robert Abela ltaqa' mar-residenti ta' din id-dar. Milqugħ mid-Direttur tar-residenza, Fr Martin Micallef, il-Prim Ministru ngħata merħba sabiħa mir-residenti f'Sala San Pawl fejn sema' mingħandhom l-esperjenzi varji f'din id-dar.

Huwa żar ukoll il-Kamra tal-Mużika, kamra speċjalizzata biex ir-residenti jkollhom sessjonijiet tal-mużika b'mod individwali jew fi gruppi, li sservihom ta' terapija. Il-Prim Ministru Robert Abela żar ukoll iż-żona fejn qed iħejju għall-Karnival kif ukoll iċ-ċentru agrikolu fejn ir-residenti jippreparaw prodotti agrikoli u jbigħuhom.

Fil-kappella tar-residenza huwa żar l-esebizzjoni ta' Dun Mikiel Azzopardi, il-fundatur tad-Dar tal-Providenza. Il-Prim Ministru seta' jara wkoll ix-xogħlijiet li għaddejjin fuq appartament bl-isem ta' Anġlu Kustodju, appartament li se jkun qed jilqa' aktar residenti fid-dar.

Iż-żjara ntemmet bil-Prim Ministru jiffirma l-ktieb tal-viżitaturi tad-Dar tal-Providenza. Il-Prim Ministru Robert Abela kien akkumpanjat mill-Ministru għall-Inklużjoni u l-Volontarjat Julia Farrugia Portelli.

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela jiltaqa’ mar-residenti tad-Dar tal-Providenza
STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela jiltaqa’ mar-residenti tad-Dar tal-Providenza
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow