Left arrow Go Back

STQARRIJA MILL-MINISTERU GĦAL GĦAWDEX U L-IPPJANAR Installati aktar AED stations madwar Għawdex f’postijiet li huma frekwentati minn bosta persuni

PR240040
Date Icon 15/01/2024

Il-Ministru għal Għawdex u l-Ippjanar Clint Camilleri ħabbar li bil-ħidma tad-Diviżjoni tal-Operat fi ħdan il-Ministeru ġew installati 8 Automated External Defibrillator (AED) stations ġodda madwar Għawdex. Barra minn hekk, qed isir l-upgrading tat-8 stations eżistenti, servicing tal-istations kif ukoll numru ta' certified training courses fil-First Aid u fl-użu tal-AEDs.

“Dan kien possibbli wara li l-Ministeru ffirma ftehim mal-għaqda volontarja Malta Rescue Corps biex twettaq dan il-proġett konġunt u b'hekk madwar Għawdex ikun hawn numru sostanzjali ta' AED stations f'postijiet li jiġu frekwentati minn bosta persuni, kemm Għawdxin kif ukoll dawk li jżuru l-gżira," stqarr il-Ministru Camilleri.

Huwa kompla jgħid li l-Ministeru dejjem ta s-sostenn u kommess li jkompli jagħti s-sostenn tiegħu għal inizjattivi bħal dawn għall-ġid tar-residenti Għawdxin u tal-viżitaturi. Fil-fatt, ġie maqbul ukoll li bħala parti mill-manutenzjoni jinxtraw cabinets tal-metall b'saħħithom u reżistenti għall-ilma sabiex jinbidlu l-kaxxi tal-plastik tal-AEDs li ġew installati ftit tas-snin ilu.

Min-naħa tiegħu, is-Segretarju Ġenerali tal-Malta Rescue Corps Etienne Micallef tkellem dwar l-importanza ta' dan l-apparat u spjega kif għandu jintuża.

Il-Ministru Clint Camilleri temm jgħid li l-għan ta' dan il-proġett huwa kemm sabiex jiżdiedu n-numru ta' AEDs madwar il-gżira kif ukoll sabiex ikompli jiżdied l-għarfien dwar l-importanza ta' dan l-apparat li jista' jsalva l-ħajja tan-nies.

Il-Malta Rescue Corps se jkunu qed jieħdu ħsieb il-manutenzjoni ta' dawn l-AEDs bl-għajnuna finanzjarja tal-Ministeru għal Għawdex u l-Ippjanar.

Aktar informazzjoni:

L-AEDs il-ġodda ġew installati f'dawn il-postijiet:

L-entratura prinċipali tal-Ministeru għal Għawdex u l-Ippjanar, ir-Rabat, Għawdex

Fil-Bus Terminus tar-Rabat, Għawdex

Fejn Villa Rundle, ir-Rabat, Għawdex

Il-bajja ta' Ħondoq, il-Qala

Il-Kunsill Lokali tal-Qala

Il-bajja tar-Ramla, ix-Xagħra

It-Tempji tal-Ġgantija, ix-Xagħra

Il-bajja tax-Xlendi, il-Munxar

Żewġ AEDs oħra se jiġu installati f'dawn il-postijiet:

L-Għassa tal-Pulizija ta' Marsalforn, iż-Żebbuġ

Il-Ġnien Pubbliku tax-Xewkija

L-AEDS li kienu installati fis-snin preċedenti jinsabu f'dawn il-postijiet:

Il-bajja tad-Dwejra, San Lawrenz - intużat u saritilha manutenzjoni diversi drabi fis-snin li għaddew

Fil-Pjazza ta' San Lawrenz

Il-Bażilika ta' San Ġorġ, ir-Rabat, Għawdex - intużat u saritilha manutenzjoni

Iċ-Ċittadella, ir-Rabat, Għawdex

Fi Pjazza San Ġużepp, il-Qala

Il-Kunsill Lokali tan-Nadur

Pjazza Indipendenza, Għajnsielem

Il-Knisja ta' Santa Margerita, Ta' Sannat

STQARRIJA MILL-MINISTERU GĦAL GĦAWDEX U L-IPPJANAR Installati aktar AED stations madwar Għawdex f’postijiet li huma frekwentati minn bosta persuni
STQARRIJA MILL-MINISTERU GĦAL GĦAWDEX U L-IPPJANAR Installati aktar AED stations madwar Għawdex f’postijiet li huma frekwentati minn bosta persuni
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow