Left arrow Go Back

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Kap Eżekuttiv ġdid għall-Awtorità tal-Istandards u l-Ħarsien Soċjali (SCSA)

pr240024
Date Icon 12/01/2024

Is-Sinjura Ruth Sciberras se tinħatar Kap Eżekuttiv ġdid għall-Awtorità tal-Istandards u l-Ħarsien Soċjali (SCSA).

Is-Sinjura Sciberras ħadmet fil-qasam soċjali għal dawn l-aħħar 25 sena u serviet f'diversi karigi importanti fejn ir-responsabbiltajiet tagħha dejjem kienu l-ħarsien tat-tfal, tal-persuni b'diżabilità flimkien mal-vittmi tal-vjolenza domestika. Hija serviet bħala Direttur fl-Aġenzija Appoġġ u kienet parti wkoll mid-delegazzjoni Maltija li assistiet lill-Gvern Malti biex ifassal numru ta' ftehimiet internazzjonali għall-adozzjonijiet.

Is-Sinjura Ruth Sciberras serviet ukoll bħala Kap Eżekuttiv tal-Aġenzija Sapport, fejn wara kompliet b'ħidma fil-Ministeru għall-Politika Soċjali u d-Drittijiet tat-Tfal. Fl-aħħar sentejn is-Sinjura Sciberras kienet strumentali biex ġiet implimentata l-istrateġija tat-Trobbija Pożittiva. L-esperjenza tagħha fil-qasam tal-vjolenza domestika wasslet biex fis-sena 2023 hija kienet maħtura Chairperson tal-Multi Agency Risk Assessment Meetings (MARAM).

Il-Ministru Michael Falzon jawgura lis-Sinjura Ruth Sciberras għall-kariga l-ġdida tagħha, filwaqt li jtenni li din il-ħatra turi biċ-ċar ir-rieda tal-Gvern li jkompli jsaħħaħ is-settur soċjali b'nies ta' kompetenza għall-ġid ta' kulħadd.

Din il-ħatra hija effettiva mill-1 ta' Jannar 2024.

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Kap Eżekuttiv ġdid għall-Awtorità tal-Istandards u l-Ħarsien Soċjali (SCSA)
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow