STQARRIJA MILL-UFFIĊĊJU NAZZJONALI TAL-VERIFIKA Laqgħa Bilaterali Bejn l Uffiċċju Nazzjonali tal Verifika ta’ Malta u l Uffiċċju tal Verifika tal Istat tal Kroazja
L‑Uffiċċju Nazzjonali tal‑Verifika ta' Malta (NAO) laqa' delegazzjoni mill‑Uffiċċju tal‑Verifika tal‑Istat tal‑Kroazja (SAO). Din il‑laqgħa serviet bħala pjattaforma għat‑trawwim tal‑koperazzjoni u l‑iskambju tal‑għarfien bejn dawn iż‑żewġ Istituzzjonijiet tal‑Awditjar tal‑Istat.
Id‑delegazzjoni mill‑Uffiċċju tal‑Verifika tal‑Istat tal‑Kroazja kienet magħmula mis‑Sur Ivan Klesic, Awditur Ġenerali, is‑Sur Drazen Brozinic, Assistent Awditur Ġenerali – Kap tal‑Kabinett, u s‑Sinjura Anita Materljan, Assistent Awditur Ġenerali. Huma ġew milqugħa mis‑Sur Charles Deguara, l‑Awditur Ġenerali, li kien akkumpanjat mis‑Sur Noel Camilleri, Deputat Awditur Ġenerali, u s‑Sur Brian Vella, Uffiċjal għall‑Affarijiet Esterni u Riċerka.
Wara l‑bdil ta' awguri u introduzzjoni formali, iż‑żewġ naħat iddiskutew suġġetti ewlenin għall‑iskambju ta' fehmiet, li jiffokaw fuq diversi prattiki tal‑awditjar, metodoloġiji tal‑awditjar, prodotti tal‑awditjar lil hinn mir‑rapporti tal‑awditjar, is‑sinifikat tal‑indipendenza u l‑awtonomija għall‑uffiċċji tal‑awditjar tal‑istat, kif ukoll kwistjonijiet li jappartjenu lill‑Unjoni Ewropea.
Il‑laqgħa laħqet il‑qofol tagħha bl‑iffirmar ta' Ftehim Bilaterali, li jissimbolizza l‑impenn taż‑żewġ uffiċċji tal‑awditjar biex itejbu l‑koperazzjoni u japprofondixxu l‑fehim reċiproku fil‑qasam tal‑awditjar.
Kemm l‑Uffiċċju Nazzjonali tal‑Verifika ta' Malta kif ukoll l‑Uffiċċju tal‑Verifika tal‑Istat tal‑Kroazja qiesu din il‑laqgħa bilaterali bħala opportunità siewja biex jaqsmu l‑għarfien espert u l‑aħjar prattiki, li jrawmu ambjent ta' kollaborazzjoni u tagħlim kondiviż fi ħdan il‑komunità tal‑awditjar. Dan l‑avveniment immarka pass importanti fit‑titjib tat‑trasparenza u tal‑kontabilità fi ħdan is‑settur pubbliku rispettiv tagħhom.
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en