Left arrow Go Back

STQARRIJA MINN SERVIZZ.GOV Aktar minn miljun talba għal servizz governattiv

pr231086
Date Icon 11/07/2023

Fl-ewwel sitt xhur ta’ din is-sena kien hemm madwar miljun u tmenin elf talba għal servizz governattiv, medja ta’ kważi 3,000 talba kuljum. 

Statistiċi uffiċjali tal-aġenzija servizz.gov juru li minn Jannar sa Ġunju 2023, 130,000 persuna żaru l-24 hub li servizz.gov għandu mferrxa f’diversi lokalitajiet.

Is-servizzi pubbliċi online komplew iżidu aktar fil-popolarità, b’madwar 451,460 persuna jaċċessaw servizzi jew informazzjoni oħra relatata mis-sit servizz.gov.mt. L-aġenzija għas-servizzi governattivi rċeviet ukoll 45,432 email. L-iktar servizzi li kienu mitluba bl-email kienu servizzi rigward it-taxxa u l-impjieg, filwaqt li l-aktar servizz online li sar użu minnu kienet ir-reġistrazzjoni għall-European Health Insurance Card (EHIC).

Fl-istess perjodu, il-freephone ta’ servizz.gov 153 irċieva total ta’ 451,183 telefonata. L-aktar tliet servizzi li dwarhom kien hemm telefonati kkonċernaw tax returns, VAT returns u l-pensjoni tal-irtirar.

Il-Kap Eżekuttiv ta’ servizz.gov Massimo Vella qal li dawn iċ-ċifri jixhdu li se tkun sena oħra pożittiva għal din l-aġenzija. Żied jgħid li l-aġenzija qed tkompli tinvesti biex tasal għand in-nies bl-użu ta’ pjattaformi varji, minn servizzi online aktar immedjati għal assistenza wiċċ imb’wiċċ.

STQARRIJA MINN SERVIZZ.GOV Aktar minn miljun talba għal servizz governattiv
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow