Left arrow Go Back

STQARRIJA MILL-MINISTERU GĦAT-TURIŻMU L-aħħar preparamenti għall-kunċert “The Russell Crowe’s Indoor Garden Party”

pr230929
Date Icon 16/06/2023

Kollox jinsab lest biex għada filgħaxija jitella' l-kunċert mużikali “The Russell Crowe's Indoor Garden Party" fi Pjazza San Ġorġ, il-Belt Valletta.

Dan l-avveniment ser jara r-ritorn tal-artist internazzjonali Russell Crowe u l-band mużikali tiegħu bis-sehem ta' The Gentlemen Barbers, Janet Devlin, Lorraine O'Reilly u l-artisti lokali Ivan Grech, Ira Losco u Beth.

L-istorja ta' Russell Crowe f'Malta rat il-bidu tagħha fi snin disgħin meta l-istess attur kellu l-irwol prinċipali ta' Maximus Decimus Meridius fil-film internazzjonali Gladiator.

Dawn id-dettalji tħabbru f'konferenza tal-aħbarijiet mill-Ministru għat-Turiżmu Clayton Bartolo fil-preżenza ta' Russell Crowe, il-Kummissarju tal-Films Johann Grech u l-Kap Eżekuttiv tal-Awtorità Maltija għat-Turiżmu Carlo Micallef.

Il-Ministru Clayton Bartolo rrimarka li dan l-avveniment huwa turija ċara ta' kemm pajjiżna qiegħed joffri iżjed attrazzjonijiet għat-turisti u anke l-poplu inġenerali fil-Belt Valletta. “L-għan tagħna jibqa' dak li nkomplu noffru esperjenza ta' kwalità. Il-fatt li għandna persuna ta' fama mondjali bħal Russell Crowe f'pajjiżna huwa xhieda ċara ta' kemm nemmnu li l-prodott turistiku tagħna għandu jkun inkorporat bl-aqwa u l-aħjar riżorsi possibbli," kompla jgħid il-Ministru Clayton Bartolo.

Huwa temm jgħid li mill-ewwel indikazzjonijiet jidher li dan is-sajf ser ikun pożittiv ferm għas-settur turistiku. Dan huwa indikat mill-bookings li diġà saru kemm mal-linji tal-ajru u anke mal-istabbilimenti tal-ospitalità.

STQARRIJA MILL-MINISTERU GĦAT-TURIŻMU L-aħħar preparamenti għall-kunċert “The Russell Crowe’s Indoor Garden Party”
STQARRIJA MILL-MINISTERU GĦAT-TURIŻMU L-aħħar preparamenti għall-kunċert “The Russell Crowe’s Indoor Garden Party”
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow