Left arrow Go Back

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Spazju miftuħ ġdid għall-komunità ta’ San Ġwann

PR230365
Date Icon 09/03/2023

Il-Ministru għax-Xogħlijiet Pubbliċi u l-Ippjanar Stefan Zrinzo Azzopardi attenda għall-iffirmar ta' ftehim bejn id-Dipartiment tax-Xogħlijiet Pubbliċi u l-Kunsill Lokali ta' San Ġwann. Permezz ta' dan il-ftehim qed isir investiment ieħor fi spazju miftuħ, din id-darba fil-lokalità ta' San Ġwann.

Il-Ministru Stefan Zrinzo Azzopardi spjega kif “Permezz ta' dan il-proġett li se jsir fi Ġnien George Zarb, qed inkomplu naħdmu sabiex inkomplu nittrasformaw aktar żoni li kienu jinsabu fi stat mitluq f'ġonna u spazji miftuħa għat-tgawdija tal-komunitajiet tagħna."

Il-Ministru kompla li dan huwa proġett ieħor minn kullana ta' proġetti li d-Dipartiment tax-Xogħlijiet Pubbliċi qed iwettaq f'diversi lokalitajiet sabiex, b'kollaborazzjoni mal-Kunsilli Lokali, ikomplu jsebbħu l-lokalitajiet tagħna.

Is-Sindku ta' San Gwann, Trevor Fenech qal li “Permezz ta' dan l-investiment, qed inkomplu naħdmu flimkien biex ikollna aktar spazji miftuħa f'San Ġwann u ambjent aħjar għal kulħadd. Dan il-proġett se jkun qed jittrasforma Ġnien George Zarb sabiex ikun ġnien komplut bil-faċilitajiet kollha u aċċessibbli għal kulħadd."

Ix-xogħlijiet ta' tisbiħ u rinnovar li se jsiru f'dan il-Ġnien jikkonsistu f'xogħlijiet ta' skavar u bini ta' ġibjun tal-ilma, xogħol ta' pavimentar, installazzjoni ta' servizzi taħt l-art, installazzjoni ta' sistema ta' irrigazzjoni awtomatika, installazzjoni ta' għamara ta' barra u xogħlijiet oħra ta' landscaping.

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Spazju miftuħ ġdid għall-komunità ta’ San Ġwann
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Spazju miftuħ ġdid għall-komunità ta’ San Ġwann
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Spazju miftuħ ġdid għall-komunità ta’ San Ġwann
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow