Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI U L-MINISTERU GĦAL GĦAWDEX Il-Gvern f’diskussjoni dwar it-trasport mal-istakeholders f’Għawdex

pr230341
Date Icon 06/03/2023

Imħabbra skeda estiża għall-Fast Ferry

Il-Ministru għat-Trasport Aaron Farrugia u l-Ministru għal Għawdex Clint Camilleri pparteċipaw f’diskussjoni wiegħsa ma’ diversi stakeholders f’Għawdex dwar l-isfidi relatati mat-trasport, partikolarment f’din il-gżira. 

Dawn il-laqgħat bit-titlu ‘Deċiżjoni b’direzzjoni: djalogu dwar trasport u mobilità’, immexxija mill-konsulent u akkademiku Prof. Gordon Sammut, qed jinvolvu l-partijiet interessati kollha u l-laqgħat qed jiffukaw primarjament fuq l-effiċjenza tat-trasport pubbliku u s-servizzi waqt il-‘peak hour’.

Waqt id-diskussjoni ssemma wkoll is-servizz tal-Fast Ferry fejn il-ministri ħabbru li, sakemm jiġi deċiż il-PSO li tressaq quddiem il-Kummissjoni Ewropea u sabiex t-tali servizz ma jiqafx, min-nhar l-Erbgħa 8 ta’ Marzu 2023 il-Gvern ser ikun qed joffri dan is-servizz bi skeda estiża. L-iskeda hi intiża li taqdi primarjament lill-ħaddiema u studenti Għawdxin kif ukoll dawk kollha li se jkunu qed jużaw dan is-servizz għal skop jew ieħor.

Il-Ministru Clint Camilleri enfasizza l-importanza tas-servizz tal-Fast Ferry fejn stqarr li, “Dan is-servizz  huwa obbligu soċjali lejn Għawdex u r-residenti tal-gżira u għalhekk min-nhar l-Erbgħa se tibda skeda estiża li taqdi l-bżonnijiet tal-istudenti, il-ħaddiema u kull min juża s-servizz."

Il-Ministru Aaron Farrugia stqarr li, “Nifhmu kif ir-realtajiet tal-gżira Għawdxija huma differenti minn dawk ta’ Malta. Kien għalhekk li llum ġejna fil-gżira Għawdxija biex nifhmu u nitkellmu mal-imsieħba u nisimgħu dak li jridu jgħidulna. Inħarsu ’l quddiem biex nieħdu d-deċiżjonijiet neċessarji biex anke hawn insaħħu l-mobilità.” Huwa talab l-istakeholders sabiex jiġu lura bil-proposti tagħhom b’mod formali.

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI U L-MINISTERU GĦAL GĦAWDEX Il-Gvern f’diskussjoni dwar it-trasport mal-istakeholders f’Għawdex
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI U L-MINISTERU GĦAL GĦAWDEX Il-Gvern f’diskussjoni dwar it-trasport mal-istakeholders f’Għawdex
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow