Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦALL-ANZJANITÀ ATTIVA Studenti fil-Fakultà tal-Mediċina se jieħdu taħriġ f’post tax-xogħol relatat mal-istudji tagħhom

pr230308
Date Icon 28/02/2023

Waqt konferenza tal-aħbarijiet, ġie ffirmat ftehim li permezz tiegħu sar qbil li studenti Universitarji mill-Fakultà tal-Mediċina u l-Kirurġija u mill-Fakultà tad-Dentistrija jkunu assenjati għal perjodu ta' taħriġ fl-Isptar San Vinċenz de Paul u faċilitajiet oħra madwar Malta, biex ikollhom taħriġ prattiku marbut mal-linja tal-istudju tagħhom. Ftehim li jwassal biex dawn l-istudenti jkollhom aċċess għal taħriġ kliniku tal-ogħla livell.

Il-ftehim bejn il-Ministeru għall-Anzjanità Attiva u l-Università ta' Malta, ġie ffirmat fil-preżenza tal-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima u l-Ministru għall-Anzjanità Attiva Jo Etienne Abela.

Waqt il-konferenza tal-aħbarijiet ġie spjegat l-importanza li studenti jkollhom dawn l-opportunitajiet li jipprattikaw dak li jkunu qed jitgħallmu permezz ta' perjodi ta' taħriġ f'post tax-xogħol relatat mal-istudji tagħhom.

Il-Ministru Clifton Grima faħħar il-ħidma li saret li wasslet għall-ftehim u qal, “Dan huwa t-tieni ftehim tax-xorta tiegħu li l-Università qed tiffirma f'ġimgħa waħda, li juri l-impenn fil-qasam edukattiv biex l-istudenti jingħataw l-opportunitajiet kollha li jeħtieġu biex ikollhom edukazzjoni li tilħaq l-aspirazzjonijiet tagħhom minn kull livell possibbli."

Min-naħa tiegħu, il-Ministru Jo Etienne Abela qal li mill-esperjenza tiegħu jaf kemm huwa essenzjali l-“bedside teaching." “Dan it-tip ta' tagħlim jgħin biex jifforma tobba ddedikati u profiċjenti. Iżda, huwa essenzjali wkoll li nagħfsu fuq oqsma ta' governanza tajba fil-mediċina u r-riċerka moderna. B'hekk, dan l-MOU li ġie ffirmat illum ser jgħin biex jagħti l-esperjenza meħtieġa lill-istudenti sabiex jkollhom xenarju reali u attwali," qal il-Ministru Abela.

Ir-Rettur tal-Università ta' Malta il-Professur Alfred J. Vella wera sodisfazzjon għall-ftehim iffirmat. Huwa sostna li, “l-Università ta' Malta hija kburija li qed tidħol f'dan il-ftehim mal-Ministeru għall-Anzjanità Attiva, biex b'hekk l-istudenti mediċi jiksbu esperjenza u ħiliet billi jkunu esposti għal xenarji reali 'l barra mill-klassijiet." Il-Professur Vella kompla li dan il-ftehim huwa kruċjali għall-formazzjoni tal-professjonisti mediċi futuri ta' pajjiżna, filwaqt li sostna li l-Università qed tħares 'il quddiem biex tkompli ssaħħaħ dan il-legat mal-Ministeru għall-Anzjanità Attiva.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦALL-ANZJANITÀ ATTIVA Studenti fil-Fakultà tal-Mediċina se jieħdu taħriġ f’post tax-xogħol relatat mal-istudji tagħhom
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MILL-MINISTERU GĦALL-ANZJANITÀ ATTIVA Studenti fil-Fakultà tal-Mediċina se jieħdu taħriġ f’post tax-xogħol relatat mal-istudji tagħhom
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow