Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Diskussjonijiet mal-komunità kummerċjali dwar il-pjan għat-trasport pubbliku effiċjenti u l-mitigazzjoni tat-traffiku

pr230284
Date Icon 23/02/2023

Il-Ministeru għat-Trasport iltaqa' mal-Kamra tal-Kummerċ u numru ta' rappreżentanti tal-komunità kummerċjali bħala parti minn sensiela ta' laqgħat ma' stakeholders dwar it-trasport pubbliku u l-'peak hour'.

Waqt din il-laqgħa ġie diskuss il-pjan tal-Gvern biex tiġi indirizzata l-isfida tat-traffiku f'pajjiżna u kif it-trasport pubbliku jista' jsir iktar effiċjenti u alternattiva reali.

Il-Ministru Aaron Farrugia spjega kif dawn il-laqgħat bit-titlu 'Deċiżjoni b'direzzjoni: djalogu dwar trasport u mobilità', immexxija mill-konsulent u akkademiku l-Profs Gordon Sammut, mistennija jħallu l-frott hekk kif qed ikunu involuti l-partijiet interessati kollha.

“Il-Ministeru, flimkien mal-esperti tiegħu, għaddej b'ħidma biex lil hinn minn dibattitu partiġġjan, il-partijiet interessati kollha jipparteċipaw f'dawn id-diskussjonijiet sabiex huma wkoll ikunu protagonisti f'dawn il-bidliet tant bżonnjużi," qal il-Ministru Farrugia.

Min-naħa tal-Kamra tal-Kummerċ, il-President Marisa Xuereb flimkien mal-Kap Eżekuttiv Dr Marthese Portelli resqu numru ta' proposti għall-konsiderazzjoni tal-Gvern, fosthom l-introduzzjoni ta' kunċett ta' 'e-mobility wallet' li jgħin biex iseħħ bidla modali mill-karozzi privati għal shared mobility permezz tal-introduzzjoni ta' tariffi tal-parkeġġ li jiġu kkreditati lura f''e-mobility wallet' biex jintużaw fuq shared mobility, trasport tal-massa, roti, ferries u modi oħra ta' trasport li jgħinu biex jitnaqqas it-traffiku fit-toroq.

Il-Kamra tal-Kummerċ qalet li, “Il-mitigazzjoni tat-traffiku hija kwistjoni li ilna naħdmu fuqha b'mod proattiv permezz ta' numru ta' proposti li ressaqna għall-konsiderazzjoni tal-Gvern, wara li nisimgħu t-tħassib tal-membri tagħna."

Filwaqt li ħa nota tal-kummenti tal-parteċipanti kollha, il-Ministru Aaron Farrugia talab il-Kamra tal-Kummerċ sabiex fiż-żmien li ġej, b'mod formali, tgħaddi l-proposti kollha tagħha.

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Diskussjonijiet mal-komunità kummerċjali dwar il-pjan għat-trasport pubbliku effiċjenti u l-mitigazzjoni tat-traffiku
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Diskussjonijiet mal-komunità kummerċjali dwar il-pjan għat-trasport pubbliku effiċjenti u l-mitigazzjoni tat-traffiku
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow