Left arrow Go Back

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Għaddej xogħol ta’ restawr fuq il-makkinarju tal-Mitħna tar-Riħ tal-Għaqba fin-Naxxar

pr230201
Date Icon 07/02/2023

Il-Ministru għax-Xogħlijiet Pubbliċi u l-Ippjanar Stefan Zrinzo Azzopardi żar ix-xogħol ta’ restawr li qed isir fuq il-makkinarju tal-Mitħna tar-Riħ tal-Għaqba fin-Naxxar.

Din il-mitħna, li hija waħda mill-eqdem u l-akbar imtieħen f’Malta, se tkun qed terġa’ tieħu l-ħajja għaliex filwaqt li se terġa’ tibda taħdem kif kienet qabel, se sservi wkoll bħala ċentru kulturali fil-komunità u attrazzjoni turistika. 

Il-Ministru Zrinzo Azzopardi tenna li x-xogħol ta’ restawr li għaddej fuq dan il-proġett huwa turija ċara tal-impenn tal-Awtorità tal-Ippjanar li tkompli tippromwovi u taħdem favur il-konservazzjoni u l-preservazzjoni tal-wirt u l-patrimonju arkitettoniku Malti. 

Dan il-proġett ġie allokat ’il fuq minn €400,000 mill-Fond għall-Ippjanar tal-Iżvilupp (DPF) tal-Awtorità tal-Ippjanar, sabiex isir ir-restawr sħiħ tal-makkinarju tal-mitħna u r-rikostruzzjoni u l-installazzjoni ta’ rdieden ġodda.

Is-Sur Oliver Magro, iċ-Chairperson Eżekuttiv tal-Awtorità tal-Ippjanar, sostna li l-awtorità qed tiffinanzja dan il-proġett kulturali li permezz tiegħu din il-mitħna ser tiġi ssalvagwardjata u kkonservata għall-ġenerazzjonijiet futuri. Huwa faħħar il-viżjoni tal-kunsill lokali tan-Naxxar li permezz ta’ dan il-proġett il-mitħna se terġa’ tingħata l-ħajja u ma tibqax fi stat ta’ abbandun.

Is-Sindku tan-Naxxar is-Sinjura AnnMarie Muscat Fenech Adami stqarret li permezz ta’ dawn il-fondi setgħu jippreservaw il-mitħna li qed tiġi restawrata għall-istat oriġinali tagħha. Hija sostniet li l-proġett iħares ukoll l-aspett kulturali, fejn parti mill-binja se tiġi trasformata f’ċentru kulturali.

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Għaddej xogħol ta’ restawr fuq il-makkinarju tal-Mitħna tar-Riħ tal-Għaqba fin-Naxxar
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Għaddej xogħol ta’ restawr fuq il-makkinarju tal-Mitħna tar-Riħ tal-Għaqba fin-Naxxar
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Għaddej xogħol ta’ restawr fuq il-makkinarju tal-Mitħna tar-Riħ tal-Għaqba fin-Naxxar
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow