Left arrow Go Back

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Imnedija l-Politika dwar l-Inklużjoni

pr230190
Date Icon 06/02/2023

Waqt konferenza dwar il-Politika u l-Qafas tal-Edukazzjoni Inklussiva f'Malta u l-implimentazzjoni tagħhom, il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni nieda l-Politika dwar l-Inklużjoni, li hija bbażata fuq il-konvinzjoni li l-istudenti kollha huma intitolati li jgawdu minn esperjenzi edukattivi sinifikanti li huma produttivi u rilevanti. Politika li tħares lejn edukazzjoni li tkun kapaċi li tilqa' għall-bżonnijiet differenti tal-istudenti kollha.

“F'dawn l-aħħar snin rajna ħafna xogħol siewi jsir fl-edukazzjoni u l-Politika tal-Inklużjoni li għandna. Din il-politika, flimkien mal-Qafas tal-Inklużjoni, qed tagħti gwida prattika lill-iskejjel u lis-servizzi biex ikompli x-xogħol siewi li diġà qiegħed isir fl-iskejjel tagħna," qal il-Ministru għall-Edukazzjoni Clifton Grima waqt li kien qiegħed jindirizza l-konferenza.

Il-politika tfasslet mid-Dipartiment tas-Servizzi Nazzjonali ta' Sapport għall-Iskejjel fi ħdan il-ministeru u nbniet minn dawk li jfasslu l-politika, il-professjonisti, l-edukaturi kif ukoll studenti u ġenituri. Il-viżjoni ġenerali ta' din il-politika hija li jiġi żgurat li l-istudenti kollha jkollhom aċċess għall-edukazzjoni ta' kwalità u appoġġ biex ikollhom suċċess fit-tagħlim fi ħdan sistema ta' edukazzjoni inklużiva ta' kwalità għolja.

Din il-politika għalhekk hija bbażata fuq għadd ta' prinċipji, fosthom li jkun aktar ċar il-kunċett ta' inklużjoni u għaldaqstant tinkludi kull forma possibbli ta' diversità.

“Prinċipju li nemmen li huwa importanti huwa dak li nkomplu nsaħħu l-ħidma tagħna biex inrawmmu ambjenti skolastiċi li jirrikonoxxu, jiċċelebraw u jkomplu jiżviluppaw il-ħiliet varji tal-istudenti kollha. U b'dan qed nifhmu li rridu nkomplu nagħrfu u nrawwmu l-konvinzjoni fost l-edukaturi kif ukoll il-familji tal-istudenti, li kull student għandu l-kapaċità li jitgħallem u jimxi 'l quddiem permezz ta' strateġiji edukattivi adegwati," qal il-Ministru Clifton Grima.

Ġie spjegat ukoll li l-Politika dwar l-Inklużjoni tinkludi li t-tfal kollha fl-istess klassijiet, fl-istess skejjel ikollhom opportunitajiet ta' tagħlim, b'inklużjoni li tfisser mhux biss studenti li għandhom bżonn aktar attenzjoni, imma wkoll studenti li ġejjin minn familji barranin li qed jgħixu fostna. Id-dokument jitkellem ukoll dwar kif għandha titrawwem kultura kollaborattiva fost l-edukaturi, l-istudenti kollha, il-ġenituri u dawk kollha li huma parti mis-sistema edukattiva – il-komunità kollha li fuqha hija mibnija s-sistema edukattiva – li tiffoka fuq il-ħiliet, tippromwovi prattiċi stabbiliti u li huma suċċess, u tinkoraġġixxi l-inizjattivi fuq bażi individwali.

Il-konferenza tat ħarsa wkoll kif il-politiki dwar l-Immaniġġjar tal-Imġiba u l-Indirizzar tal-Bullying, l-Attendenza, l-Istudenti Transġeneru, ta' Ġeneru Varjanti, u Intersesswali u l-Istil ta' Ħajja Tajjeb għas-Saħħa ġew inkorporati kollha taħt il-Politika tal-Edukazzjoni Inklussiva. B'hekk dawn id-dokumenti kollha se jiġu implementati flimkien.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Imnedija l-Politika dwar l-Inklużjoni
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Imnedija l-Politika dwar l-Inklużjoni
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Imnedija l-Politika dwar l-Inklużjoni
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow