Left arrow Go Back

STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Negozji tal-familja mħeġġa jaddottaw strateġija fit-tul biex jassiguraw li jkun hemm kontinwità

pr230166
Date Icon 01/02/2023

In-negozji tal-familja jeħtieġu strateġija li tippreparahom mhux biss għas-suċċessjoni imma għall-isfidi ta' għada. Pjan strateġiku għan-negozju jassigura kontinwità.

Dan u aktar kienu diskussi waqt konferenza mtella' mill-Family Business Office (FBO) u l-kumitat għan-negozji tal-familja fi ħdan il-Kamra tal-Kummerċ. Waqt din il-konferenza ġie ppreżentat stħarriġ li sar ma' 'l fuq minn 100 negozju tal-familja.

Fl-indirizz tagħha, il-Ministru għall-Intrapriża Miriam Dalli spjegat kif il-Gvern, permezz tal-Malta Enterprise u l-Family Business Office, qed joffri għajnuna biex in-negozji tal-familja jkollhom aċċess għal servizzi ta' medjazzjoni u konsultazzjoni.

“Il-kontinwità għan-negozji tal-familja hija importanti, iżda nafu wkoll li din mhux dejjem tkun faċli minħabba sfidi differenti u uniċi li jistgħu jiffaċċjaw, inkluż ostakli li jmorru lil hinn mill-ħidma ta' kuljum. Nifhmu li l-proċess tas-suċċessjoni ma jsirx minn lejl għal nhar. Dan ix-xogħol jieħu l-ħin u sforz li anke taffettwa d-dinamika li jkollu negozju tal-familja. Strateġija fit-tul tindirizza wkoll dawn il-ħtiġijiet u l-appoġġ li jkun hemm bżonn," qalet il-Ministru Miriam Dalli.

L-istħarriġ juri li 83% tan-negozji tal-familja għandhom bord ta' diretturi li jiffunzjona u li jiltaqa' b'mod regolari. Dan biex jiddiskutu kif sejjer in-negozju u kif jista' jimxi aktar 'il quddiem. Minn naħa l-oħra, 33% tan-negozji biss ikkonfermaw li għandhom pjan strateġiku miktub u li jiġi rivedut fuq bażi regolari. 50% rrispondew li ma għandhomx pjan strateġiku, iżda jridu jaħdmu fuqu.

Mill-istħarriġ ħareġ ukoll li 65% tan-negozji tal-familja ma għandhomx pjan ta' suċċessjoni.

Permezz tal-Family Business Grant, il-Gvern qed jipprovdi assistenza lin-negozji tal-familja li qed jippjanaw is-suċċessjoni jew għandhom bżonn pariri ta' medjazzjoni. L-għotja titla' għal €15,000 għal kull negozju tal-familja fuq perjodu ta' tliet snin.

STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Negozji tal-familja mħeġġa jaddottaw strateġija fit-tul biex jassiguraw li jkun hemm kontinwità
STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Negozji tal-familja mħeġġa jaddottaw strateġija fit-tul biex jassiguraw li jkun hemm kontinwità
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow