Left arrow Go Back

STQARRIJA MILL-UFFIĊĊJU TAL-ISPEAKER: Laqgħa mal-awditur ġenerali tal-Kroazja

pr221434
Date Icon 21/10/2022

L-Ispeaker Anġlu Farrugia laqa’ lis-Sur Ivan Klesic, Awditur Ġenerali tal-Kroazja, li kien qed fuq żjara ta’ jumejn f’Malta.

Is-Sur Klesic spjega kif jaħdem l-Uffiċċju tal-Verifika tal-Kroazja, u r-relazzjoni li għandu mal-Parlament tal-Kroazja. Huwa qal ukoll li l-uffiċċju tiegħu jikkopera b’mod regolari ma’ awdituri ġenerali oħra Ewropej, kif ukoll mal-Qorti Ewropea tal-Awdituri.

Min-naħa tiegħu, l-Ispeaker Farrugia tkellem dwar il-fatt li fis-sistema Maltija, li hija mibnija fuq is-sistema tal-Commonwealth, l-awditur ġenerali huwa uffiċjal tal-parlament u maħtur bil-voti taż-żewġ terzi tal-Kamra. Huwa żied li riżultat ta’ dan, l-awditur isib il-protezzjoni tal-ispeaker fejn ikun hemm il-bżonn. L-Ispeaker Farrugia spjega wkoll kif il-Parlament Malti kien strumentali fl-2015 sabiex titwaqqaf l-Assoċjazzjoni Parlamentari tal-Kumitati dwar il-Kontijiet Pubbliċi tal-Commonwealth. 

Iż-żewġ naħat irrimarkaw li l-fatt li kemm il-Kroazja u Malta huma pajjiżi żgħar fl-Unjoni Ewropea li għandhom diversi fatturi in komuni, jgħin biex tkun faċilitata l-koperazzjoni kemm fuq livell ta’ pajjiż u anke ta’ istituzzjonijiet.

Għal din il-laqgħa, is-Sur Klesic kien akkumpanjat mill-Awditur Ġenerali Charles Deguara u mid-Deputat Awditur Ġenerali Noel Camilleri mill-Uffiċċju Nazzjonali tal-Verifika f’Malta.

STQARRIJA MILL-UFFIĊĊJU TAL-ISPEAKER: Laqgħa mal-awditur ġenerali tal-Kroazja
STQARRIJA MILL-UFFIĊĊJU TAL-ISPEAKER: Laqgħa mal-awditur ġenerali tal-Kroazja
STQARRIJA MILL-UFFIĊĊJU TAL-ISPEAKER: Laqgħa mal-awditur ġenerali tal-Kroazja
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow